ճանապարհ դնել

Վիքիբառարան-ից

Հայերեն դարձվածք

    1. վռնդել ◆ Բայց երբ «աստծո մարդը» նկատեց, որ այդ լեզվաբանական դասերը սկսեցին շարունակվել մինչև ուշ գիշեր՝ խոհեմ համարեց ինձ անմիջապես ճանապարհ դնել: (Վահրամ Փափազյան) ◆ - Դե գնա կորի, էլ իմ աչքին չերևաս...: Ձեռի տոպրակն էլ խլում է ու ճամփու դնում: Հովհաննես Թումանյան ◆ Մեծ եղավ զարմանքը երբոր ճամբա դրինք զինքը չոր ու ցամաք կերպով մը։ (Գրիգոր Զոհրապ)
    2. հեռացնել, քշել ◆ Մի ոստիկան երևաց. իմացավ կռվի պատճառը և ճանապարհ դրեց ածխավաճառին։ Գաբաշիվիլի
    3. դուրս անել ◆ Սրանց մերժես, ճանապարհ դնես, հետո որտեղի՞ց գաջող ու գաջ ճարես։ (Անահիտ Սահինյան)
    4. ճանապարհել (+ (փխբ․)) ◆ Պատվեց, կերակրեց, խմցրեց, վարձատրեց և ճանապարհ դրեց: (Վահան Թոթովենց) ◆ Այս պատճառով նա հանգիստ սրտով վճարեց կառապանին յուր հասանելիքը և ճանապարհ դրավ նրան։ (Մուրացան) ◆ - Իմ հայրը այդ հիմնարկության հիմնադիրներից է և շատ կառավարիչներ է ճամփու դրել: (Անահիտ Սահինյան)
    5. անցկացնել, ետևում թողնել ◆ Մոտ 50 ձմեռներ ճանապարհ դրած, Մասյաց գլխի նմնա ջինջ սպիտակացած։ (Պերճ Պռոշյան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։