մատնացույց անել ◆ «Ինձ թվում է բոլորը կնոջս մասին էին խոսում, մատով ցույց տալիս»,-պատմում էր խանդոտ ամուսինը։ ◆ Ազգային գործոց տեղյակ և ընտրելի անձինք ալ մատով ցույց տալ կարելի է։ ◆ Ժողովուրդը, գործին մոտեն իրազեկները, արդեն մատով սկսած են ցույց տալ իրական մեղավորները։ «Յառաջ»
նշանավոր, հայտնի, մեծապես դրական մեկը համարել ◆ Քո հասակի տղա է, դպրոցի աչքի լույսն է, գերազանցիկ է, ամբողջ Երևան քաղաքում մատով են ցույց տալիս, մի հատիկ է։ (Հրանտ Մաթևոսյան)◆ -Նայե՛, այսօրվան օրս տոքթոր Քյասպիյան [դոքթոր Քյասիբյան] կ’ըսեն մատով կը ցուցունեն կոր․ թագավորի, փաշաներուն դիմացը կ’ելլա։ Եր ◆ Ամենքն էլ նրա արևով էին երդում ուտում․ ուրիշ գեղ գնացած ժամանակն էլ մեկմեկու մատով էին նշանց տալիս։ (Ղազարոս Աղայան)◆ -Ես էլ խոսք եմ տալիս, որ նրան մատով շանց տալու կնիկ շինեմ քեզ համար։ (Պերճ Պռոշյան)
ուշադրություն դարձնելու՝ գրավելու արժանի համարել ◆ -Ձեր մահից հետո երկու էնպես մարմարի մատուռ կանգնացնեմ ձեր վրեն, որ մատով ցույց տալու լինի։ (Պերճ Պռոշյան)◆ Բոլոր մայրերը մատով կը ցուցանեին անոր փանթալոնին [«տաբատին»] շնորհքը, մազերուն ճակտին վրա գուգուրանքով պառկումը։ Հակոբ Օշական
(բրբ․) բացսական, արգահատելի մեկը համարել ◆ Մարիցան-նրան մատով էին ցույց տալիս փողոցների անկյուններից, լուսամուտներից, կտուրներից։ (Վահան Թոթովենց)◆ Չիմն [«բոլորն»] էլ զզվանքով մատով շանց կտան ու կասեն․ «Էս սուտ ճգնավոր աղջկանը տեսեք»։ ◆ Էս խո մատով շանց տալու դառա, էս խո բեդնամ դառա [անունս կոտրվեց] աշխրքումը։ Գաբրիել Սունդուկյան
