մարդամեջ դուրս գալ
Հայերեն դարձվածք
- մարդկանց միջավայրում հայտնվել ◆ -Դե, Արամ ջան, շնորհավորում եմ սրտանց, քիչ-քիչ մարդամեջ ես դուրս գալիս։ Գրիգոր Բալասանյան ◆ -Արջ ա կտրվել, էլ հետը չի խոսվում, բայց որ մարդամեջ ա մտնում, չի կարում երկու խոսք խոսի։ (Ղազարոս Աղայան) ◆ Ես ել առաջի անգամ մարդամեջ եմ մտել «ավանգարդով»։ Սերո Խանզադյան ◆ համեմատության համար՝ Նույն վերաբերմունքով ես իմ ձախողված գործերը ավելի եմ սիրում անընդհատ ուզում եմ նրանց մարդամեջ մտցնելու տեսքի հասցնել։ (Հրանտ Մաթևոսյան)
- ◆ -Մարդամեջ եմ դուրս եկել ու ինձ համար տուն ու տեղ դրել։ (Վախթանգ Անանյան) ◆ Այս արտահատությունը տվել էր ծերունին յուր գերդաստանի անդամներին, որ․․․նրանք կարողանան ժամանակին մարդամեջ մտնել։ (Պերճ Պռոշյան) ◆ -Դու էլ կարծում ես, թե քո շնորհքն է, որ այսօր մարդամեջ ես խառնել ճռպռտում ես։ (Նար-Դոս) ◆ Մարդամեջ ընկավ, մարդիկն սկսեցին պատվել, պաշտել։ (Ղազարոս Աղայան) ◆ «Մենք եկել ենք քեզ տանելու, իչքան ենք ուրախ, որ դու մարդամեջ ես եկել»։ (Նար-Դոս) ◆ Ամա ջեր [դեռ] նրանք նուր էին մարաքա ննգում, ջեր նուր էին դուս կանգնում։ Գաբրիել Սունդուկյան
- դիրքի հասնել ◆ «Կյանքի չի հասկանում», - լսում եմ անվերջ, / «Ե՞րբ պիտի ախր դուրս գա մարդամեջ»․․․ / «Ե՞րբ պիտի ախր հասնի սա դիրքի»։ Պարույր Սևակ ◆ Մուկուչի հացով մարդամեջ մտար, անփոխան լպուտ, հիմի նրա սյուն ես սղոցում։ Արամ Ղանալանյան
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Քաղվածք/Գրիգոր Բալասանյան
- Քաղվածք/Ղազարոս Աղայան
- Քաղվածք/Սերո Խանզադյան
- Քաղվածք/Հրանտ Մաթևոսյան
- Քաղվածք/Վախթանգ Անանյան
- Քաղվածք/Պերճ Պռոշյան
- Քաղվածք/Նար-Դոս
- Քաղվածք/Գաբրիել Սունդուկյան
- Քաղվածք/Պարույր Սևակ
- Քաղվածք/Արամ Ղանալանյան
- Բառեր «Հայերեն դարձվածքների ընդարձակ բացատրական բառարան» գրքից