մեկի թիկունքին կանգնել

Վիքիբառարան-ից

Հայերեն դարձվածք

  1. ուժեղ օգնական՝ նեցուկ լինել ◆ Մեր հարևանն էր՝ «սարի նման կանգնած» իմ ու հորս թիկունքին: (Խաժակ Գյուլնազարյան) ◆ Փաստորեն կտրելով իրենից՝ օգնում է, սատար լինում կանգնում իրենց թիկունքին, շատ է ոգևորում ղարաբաղցիներին։ «Հայք» ◆ Մեզանից յուրաքանչյուրի ծաղկումն ու զորությունը ծաղկեցնում ու զորացնում է մյուսին... մենք լեռների պես կանգնած ենք իրար թիկունքի: (Նաիրի Զարյան)
  2. պաշտպանել, պաշտպան կանգնել ◆ Դժվար ժամանակ ոչ թե իրար դեմ, այլ իրար կողք ու իրար թիկունքի կանգնելու ժամանակն է։ ◆ - Ընկեր Մուկուչ, դե ֆդ լավ պահիր, թիկունքիդ սարի պես կանգնած ենք: ◆ - Սոլոմոնի դմբուզը հալա շատ ա զարավոր, քեզպեսներին էլ կռվի վախտը թիկունքումս կանգնիլ չեն: Մաթևոս Դարբինյան ◆ Մեռնեմ գարունքիդ, / Ծաղկած գարուն ես, / Սարի պես մեջքիդ / Կանգնած յար ունես։ Հովհաննես Թումանյան ◆ - Մեր սաքոն քամակիս Սուրբ Սարգսի կաննած՝ ուզում ա ինձ բախտավորացնել։ (Պերճ Պռոշյան)
  3. հովանավորչություն անել, հովանավորը լինել ◆ Արդեն նրանց թիկունքին չեն լինի կանգնած «հոգատար» հայրիկներն ու մայրիկները, պաշտոնյա «բարի քեռիները»։

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։