որտեղ քոնը կասես, այնտեղ էլ իմը

Վիքիբառարան-ից

Հայերեն դարձվածք

  1. իմացիր՝ ո՛վ է դիմացինդ, ո՛ւմ հետ գործ ունես, իմացեք՝ ովքե՛ր են ձեր դիմաց, ո՛ւմ հետ գործ ունեք (պատասխանը կստանաս) ◆ -Դուք Շխոնց Միյրանից կրակ չեք տանի,- հաղթողի խնդությամբ հոխորտում է քեռիս:- Դե՛, որտեղ ձեր կասեք, էնտեղ էլ ի՛մն ասեք։ (Մկրտիչ Խերանյան) ◆ Էլ չեմ ասում, որ Հայաստանում առաջին անգամ հայ հոգևորականն այդ օրը անգլերեն քարոզ կարդաց։ ... Դե գնացեք, որտեղ ձերը կասեք, ընտեղ՝ մերը: «Հայք» ◆ - Թող հիմա իմանան, թե ես ինչ մարդ եմ . և էլ՝ որտեղ իրենցը պատմեն, էնտեղ էլ իմս չմոռնան։ (Ավետիք Իսահակյան) ◆ -Խելքն է զաշխար կերի... յուրտեղ քո՛ւմ կըսիս՝ էնտեղ ի՛մն ըսե։ ◆ -Աճկը հանեցի, յիս էլ կավին [«խոպոպը»] գլխեն վեր բերի, գնա՛ վորդիոր իրն ասե, էնդի էլ իմն ասե։ Սունդ.

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։