ուս

Վիքիբառարան-ից

Հայերեն

Դասական ուղղագրութեամբ՝ ուս

Վանկեր՝ ուս 

Ստուգաբանություն[խմբագրել]

Sunburnt neck and shoulders.jpg

Գոյական

  1. մարմնի վերին մասը վզից մինչև բազուկը
  2. հագուստի այն հատվածը, որ ծածկում է այդ մասը
  3. չորքոտանիների առջևի ոտքերի ամենավերին մասը
  4. (փխբ․) Լեռան լանջ՝ առավել կողային և վերին մասերը ◆ Մի գունատ լուսին վարսերը փռեց լեռների ուսին։ (Գարեգին Սևունց)
  5. (փխբ․) տարածության մակերևույթը՝ մակերեսը ◆ Ջրերը ոլորվել են արտերի ուսերով։ (Ազատ Վշտունի)

Հոմանիշներ[խմբագրել]

  1. (կզմխս․) ուսամաս, կուրսակ (հնց․), (գվռ․) հուս, քուքոլ
  2. տե՛ս լեռնալանջ

Արտահայտություններ[խմբագրել]

  1. ուս դնել - դեմ կանգնել, դիմադրել, ոգորել
  2. ուսը առնել - նույնն է՝ ուսին առնել
  3. ուսը գցել
    1. ծայրը բերելով ու բռնելով՝ շալակել
    2. ուսից կախել
  4. ուսը դեմ անել՝ դեմ տալ
    1. ուսով հրելու՝ տեղաշարժելու և այլնի ճիգ գործադրել
    2. դիմադրելու ճիգ անել, դիմագրվալե, դիմադրել
  5. ուսը ուսին - տե՛ս ուս-ուսի
  6. ուսին առնել - ուսերին առնել
  7. ուսերը բարձրացնել՝ թափ տալ՝ թոթովել թոթվել
    1. ուսերը շարժելով մերժում՝ արհամարհանք արտահայտել
    2. անտեղյակություն արտահայտել
    3. անտարբերություն արտահայտել
    4. տարակույս՝ կասկածանք հայտնել
  8. ուսերին նստել մեկի
    1. ծանրանալ մեկի վրա
    2. ընկճել, բռնանալ
    3. շահագործել, կեղեքել
  9. ուսերն իրար անել - նույնն է՝ ուսերը թափ տալ
  10. ուսերն իրար գալ - կուչ գալ
  11. ուսերը վեր քաշել - վրդովմունք՝ զայրույթ արտահայտել
  12. ուսովը գցել - նույնն է՝ ուսը գցել
  13. ուսերի վրա գլուխ ունենալ (նորբ․) - խելացի՝ ուշիմ լինել
  14. ուսերի վրա (ուսերին) ծանրանալ՝ ընկնել - մեկի վրա ծանրանալ (պարտականություն, հոգս և այլն)
  15. ուսերից ծանր քար ընկնել - մեխ նեղությունից՝ հոգսից ազատվել

Աղբյուրներ[խմբագրել]