պահանջ

Վիքիբառարան-ից
Jump to navigation Jump to search

Հայերեն

Դասական ուղղագրութեամբ՝ պահանջ

վանկեր՝ պա•հանջ 

Ստուգաբանություն[խմբագրել]

Փոխառություն իրանական աղբյուրից՝ *par-hanĵ. hanĵ-ի համար հմմտ. միջին պարսկերեն hanĵ-, հին պարսկերեն, ավեստերեն vanĵ- «քաշել»:

Գոյական

  1. բավարարման ենթակա կարիք՝ անհրաժեշտություն, ստիպողական կարիք ◆ Ուտելու՝ քնելու պահանջ:
  2. ցանկություն, որևէ բանի ծարավ ◆ Եվ մի անգամ էլ տեսնելու պահանջը ինձ ստիպեց արագ-արագ անցնել գյուղի փողոցներով: (Ակսել Բակունց)
  3. որևէ բանի պակասությունից առաջացող կարիք, հարկավորություն, պետք ◆ Իր փոքրիկ աշխատավարձով նա չէր կարողանում հոգալ բազմանդամ ընտանիքի պանանջները:
  4. իբրև որևէ բանի պայման՝ նախապայման ներկայացվող ցանկություն՝ ձգտում, մեկից որևէ բան ուզելը՝ որպես անհրաժեշտ պայման որևէ գործի՝ գործունեության՝ աշխատանքի ևն համար ◆ Գործադուլավորները որոշակիորեն ձևակերպեցին իրենց պահանջները և ներկայացրին վարչրւթյանը:
  5. այն պամանների՝ կանոնների՝ գիտելիքների ևն ամբողջությունը, որոնց պետք է համապատասխանի կամ բավարարի մեկը կամ մի բան ◆ Մանրակների պատրաստման տեխնոլոգիական պահանջներ: ◆ Բուհերն ընդունվողներին ներկայացվող պահանջներ:
  6. որևէ կարգի կանոնների ամբողջություն, որ պարտավոր են կատարել՝ պահպանել ◆ Հրամանատարը խստորեն հետևում Էր կանոնադրական պահանջների ճշգրիտ կատարմանը:
  7. նունն է՝ Պահանջարկ ◆ Առևտրական կազմակերպությունները պարտավոր են համակողմանիորեն հաշվի առնել բնակչության պահանջները:
  8. վերադասից (մարմնից կամ պաշտոնյայից) ստորադասին (մարմնին կամ պաշտոնյային) արվող կարգադրություն՝ հրաման՝ առաջադրանք ◆ Ստուգումները պարզեցին, որ մի քանի կազմակերպություններ ձևականորեն են մոտենում ղեկավար մարմինների պահանջներին:
  9. (հշվպ․) կրկնակի հաշվապահական հաշվառման մեջ՝ հաշվապահական հաշիվների աջ կողմը՝ երեսը ◆ Բոլոր տնտեսական գործառնությունները արտացոլվում են մեկ հաշվի պարտքում, մյուսի՝ պահանջում:
  10. ստանալիք, պարտատիրոջ հասանելիքը
  11. (ֆին․) հաշվեկշռի ծախքերի՝ ելքերի բաժինը
  12. հավակնություն, որոշ համարումի՝ իրավունքների և այլն ճանաչման հասնելու ձգտում ◆ Նա այնպիսի պահանջներով է ներկայացել դիրեկտորին, որ վերջինս ավելի լավ է համարել հրաժարվել նրա աշխատակցությունից:
  13. դատական հայց
  14. (բրգ․) բարոյական հարաբերությունների պարզագույն տարրը, որոնցում գտնվում են անհատը և հասարակությունը

Հոմանիշներ[խմբագրել]

  1. կարիք, պետք, պահանջմունք
  2. ցանկություն, կամք, ծարավ
  3. հարկավորություն, պետք, կարիք
  4. աեք, առնելիք, պահանջելիք, ստանալիք, առնելացուկ (գվռ․)
  5. տե՛ս պահանջարկ
  6. տե՛ս առաջադրանք
  7. տե՛ս հավակնություն
  8. տե՛ս պահանջագիր
  9. տե՛ս հայց

Արտահայտություններ[խմբագրել]

  1. պահանջ անել - պահանջել
  2. պահանջ դնել - պահանջել
  3. պահանջ զգալ - կարիք զգալ, ներքին պահանջ ունենալ
    1. կաիք՝ պետք ունենալ
  4. պահանջներ ներկայացնել - որոծ պահանջներ առաջադրել

Աղբյուրներ[խմբագրել]

  • Խմբագրությամբ Ի․ Ս․ Կոնի, Բարոյագիտական բառարան, Երևան, ««Հայաստան» հրատարակչություն», 1985 — 200 էջ։