պահպանել

Վիքիբառարան-ից

Հայերեն

Դասական ուղղագրութեամբ՝

վանկեր՝ պահ•պա•նել 

Ստուգաբանություն[խմբագրել]

Բայ

  1. անվնաս՝ առանց կորուստի կամ փչացման պահել ◆ Աչքի լույսի պես պահպանել սոցիալիստական սեփականությունը։
  2. գործադրության՝ կիրառության մեջ պահել, շարունակել, չհրաժարվել, չխախտել ◆ Երկրի անփոփոխ դրությունը պահպանում էր անփոփոխ սովորություններ։ (Րաֆֆի)
  3. տպավորել, պահել (մտքում, հոգում, սրտում և այլն) ◆ Նա երկյուղածությամբ էր պահպանում այդ օրերի հիշատակներն իր հիշողության մեջ։
  4. վտանգից՝ վնասակար գործողությունից՝ ազդեցությունից պահել՝ պաշտպանել ◆ Բոլոր միջոցները ձեռք են առնված գրիպի վարակից պահպանելու համար։
  5. խնամել, պահել, հոգ տանել ◆ Ես համբուրեցի այն ձեռքը… որ այնքան շատ գգվել, գրկել ու պահպանել է ինձ։ (Մուրացան)
  6. հսկելով՝ պահակությամբ անվտանգությունն ապահովել ◆ Կամուրջը պահպանում էին վեց հոգի՝ մի լեյտենանտի գլխավորությամբ։ Սերո Խանզադյան
  7. չխախտել, չխանգարել, անհրաժեշտ՝ պահանջվող դրությունը պահել ◆ Լռություն՝ կարգ պահպանել:
  8. չկորցնել, բաց չթողնել, պահել ◆ Հողը դեռ պահպանել էր խոնավությունը։
  9. չբացահայտել, չտարածել, չհրապարակել ◆ Միայն անտառն էր, որ վկա էր նրանց տեսակցությանը, և նա էլ լռությամբ պահպանում էր գաղտնիքը։
  10. դրությունը՝ վիճակը՝ գոյությունն անփոփոխ կերպով պաշտպանել՝ պահել ◆ Մեր շախմատիստները պահպանում են գերակշռությունը։
  11. ունենալ, պահել (իր վրա՝ մեջ՝ մոտ և այլն) ◆ Նրա դժգույն դեմքը դեռևս պահպանում էր առաջվա խաղաղ արտահայտությունը։ (Նար-Դոս)
  12. ապահովել, վտանգից՝ վնասից և այլնից զերծ պահել ◆ Նախարարներից ոմանք… միայն իրենց անձը և ընտանիքը պահպանելու համար, կփախչեն օտար երկիր։ (Րաֆֆի)
  13. որոշ գոյականների կապակցությամբ նշանակում է՝ իրեն պահել որևէ ձևով՝ եղանակով, իրեն դրսևորել ◆ Չնայած ներքին բուռն հուզումին, նա դեռ պահպանում էր արտաքին սառնասրտությունը և անտարբերությունը։
  14. (կրոն․) պահել, հովանավորել, պաշտպանել ◆ Աստված քեզ պահպանի:

Հոմանիշներ[խմբագրել]

  1. պահել, աչքի լույսի պես պահել, աչքի լույսի պես պահպանել,
  2. պաշտպանել, դիմագրավելը, դիմամարդելը, ասպարել, սաղավարտել, կանգնել, պաշտպան կանգնել (հնց․) (փխբ․)
  3. զերծ պահել
  4. հովանավորել, սատարել, պատսպարել, խնամարկել, թև արկել, թևի տակ առնել, թև-թիկունք լինել, հովանի լինել, նեցուկ լինել,
  5. թիկունքին կանգնել, մեջքին կանգնել
  6. կողմնացկել, կողմը բռնել, կողմը պահել, կողմը տաշել, կողմնակից լինել
  7. տե՛ս ջատագովել
  8. պատնեշել
  9. տե՛ս նախապահպանել
  10. տպավորել, պահել
  11. տե՛ս խնամել
  12. տե՛ս ապահովել
  13. ունենալ, պահել
  14. ապահովել
  15. հովանավորել

Արտահայտություններ[խմբագրել]

Աղբյուրներ[խմբագրել]