վերականգնում

Վիքիբառարան-ից
Jump to navigation Jump to search

Հայերեն

  • ՄՀԱ՝ [vɛɾɑkɑŋɡˈnum]

Դասական ուղղագրութեամբ՝

վանկեր՝ վե•րա•կանգ•նում 

Ստուգաբանություն[խմբագրել]

լատ․ regeneratio` «վերածնում», ուշ լատ. restauratio - վերականգնում

Գոյական

  1. վերականգնելը, վերականգնվելը
  2. (ֆզլգ․), (կենս․) օրգանիզմի վնասված օրգանների կամ հյուսվածքների, ինչպես նաև նրա մի հատվածից ամբողջական օրգանիզմի վերականգնումը։ Նկատվում է բնականոն պայմաններում, կարող է հրավիրել նաև արհեստականորեն։ ◆ Վերաճման այդ երևույթը կոչվում է վերականգնում կամ ռեգեներացիա:
  3. (սոցաշխ․) միջոցառումների համակարգ, որի նպատակն է շատ արագ և առավել ամբողջական վերականգնել հիվանդների, հաշմանդամների և բնակչության մյուս ապահարմարված կատեգորիաների սոցիալական գործառնման ունակությունը
  4. (միգ․) որևէ առանձնահատուկ իրի վերադարձ դրա օրինական սեփականատիրոջը կամ դրա կարգավիճակի վերականգնում, փոխհատուցում կամ հատուցում մեկ ուրիշին պատճառված վնասի դիմաց, փոխհատուցում մեկ ուրիշի նկատմամբ ոչ իրավաչափ արարքի կատարումից ստացված օգուտների համար
  5. (ճրտրպ․) (շին․) պատմության և մշակույթի հուշարձանների հետագա քայքայումը կանխելու կամ սկզբնական կառուցվածքի ու տեսքի բերելու գիտական և շինարարական աշխատանքների ընդհանուր պայմանական անվանումը
  6. (կենսք․) քիմիական ռեակցիա, որի ընթացքում էլեկտրոները միանում են որևէ նյութի ատոմներին կամ իոններին: Օքսիդացմանը հակառակ պրոցես է
  7. (անասն․) լինում է բնախոսական վերականգնում, մեռուկացման հետևանքով կորցրած հյուսվածքային տարրերի վերստեղծում
  8. (հատուկ կրթ․) անձի տեղի, ունեցվածքի, արտոնությունների վերականգնում՝ ըստ նախկինում նրա ունեցած դիրքի, այժմ նաև՝ հեղինակության վերականգնում
  9. (գյուղտնտ․) (անտառ․) դեգրադացված հողերի բերքատվությունը բարձրացնելու նպակատով կատարվող բարելավեում

Հոմանիշներ[խմբագրել]

  1. (հատուկ կրթ․) անձի տեղի, ունեցվածքի, արտոնությունների վերականգնում՝ ըստ նախկինում նրա ունեցած դիրքի, այժմ նաև՝ հեղինակության վերականգնում
  2. վերածնում

Արտահայտություններ[խմբագրել]

Աղբյուրներ[խմբագրել]

  • Սիլվա Ամիրյան, Արտաշես Մարտիրոսյան, Ֆիզիլոգիական տերմինների հայերեն-անգլերեն-ռուսերեն բառարան-տեղեկատու (ԵՊՀ հրատարակչություն), Երևան, 2013 — 704 էջ, ISBN 978-5-8084-1819-6։
  • Աշոտ Եսայան, Սոցիալական ոլորտի բառարան («Հույսի կամուրջ» ՀԿ), Երևան, 2005 — 344 էջ։
  • Միգրացիայի ոլորտի տերմինների բառարան, Գյումրի, «Միգրացիայի Միջազգային Կազմակերպություն», 2013 — 175 էջ։
  • Ս․ Գասարջյան, Ճարտարապետական և շինարարական տերմինների ռուս-հայերեն և հայ-ռուսերեն բացատրական բառարան, Երևան, 2007 — 572 էջ։
  • Ա․Ա․ Սիմոնյան, Ա․Ա․ Գալոյան, Ռուսերեն-հայերեն կենսաքիմիական բացատրական բառարան, Երևան, «ՀՀ ԳԱԱ «Գիտություն» հրատարակչություն», 1997 — 428 էջ։
  • Հովհաննես Մակարյան, Կիմ Աբելյան, Անասնաբուժական կլինիկական տերմինների բացատրական բառարան, Երևան, «Ստամպա», 2002 — 256 էջ։
  • Զաքարյան Ս․, «Հատուկ կրթության» հասկացությունների անգլերեն-հայերեն համառոտ բառարան, Երևան, «Զանգակ», 2007 — 56 էջ։
  • Մ․Խ․ Պողոսյան, Ֆրանսերեն-հայերեն ագրոէկոլոգիական և անտառագիտական տերմինների համառոտ բառարան (ՀԳԱ), Երևան, 2005 — 144 էջ։