քաղաքացիական

Վիքիբառարան-ից

Հայերեն

  • ՄՀԱ՝ [kʰɑʁɑkʰɑt͡sʰjɑˈkɑn]

Դասական ուղղագրութեամբ՝ քաղաքացիական

վանկեր՝ քա•ղա•քա•ցի•ա•կան 

Ստուգաբանություն[խմբագրել]

քաղաքացի + -ական

Ածական

  1. քաղաքացիներին հատուկ՝ վերաբերող ◆ (Վեճերը) սոսկ քաղաքացիական գործերի բնավորություն ունեին, օրինակ հողերի բաժանման կամ հափշտակության խնդիրներ և այլն։ (Րաֆֆի)
  2. պետության քաղաքացիների իրավական դրության հատուկ՝ վերաբերող
  3. հասարակական բարօրության՝ հասարակության շահերին վերաբերող՝ նվիրված ◆ Քաղաքացիական քնարերգություն՝ հերոսապատում։
  4. ոչ զինվորական, ոչ զորական
  5. ոչ հոգևոր, ոչ եկեղեցական ◆ Քաղաքացիական կրթություն։
  6. (պաշտանվ․) քաղաքացուն վերաբերող, քաղաքացուն հատուկ
  7. քաղաքացիների անձնական-ընտանեկան վիճակի հետ կապված ◆ Քաղաքացիական դրություն։

Հոմանիշներ[խմբագրել]

Արտահայտություններ[խմբագրել]

  1. քաղաքացիական ամուսնություն - պետական իշխանության մարմիններում հաստատվող ու գրանցվող ամուսնություն՝ առանց եկեղեցու մասնակցության
  2. քաղաքացիական դատավարություն - սովետական սոցիալիստական իրավունքի բնագավառ, որ կարգավորում է դատարանի կողմից քաղաքացիական գործերի քննությունն ու լուծումը, ինչպես և այդ գործերով դատարանի վճիռների կատարումը
  3. քաղաքացիական իրավունք - գույքային և անձնական ոչ գույքային հարաբերություններ կարգավորող իրավունք, որը կառուցվում է այդ հարաբերությունների մասնակիցների կամքի ինքնավարության և գույքային առանձնացվածության մեթոդի հիման վրա
  4. քաղաքացիական հագուստ (զգեստ) - ոչ զինվորական զգեստ, ոչ համազգեստային հագուստ
  5. քաղաքացիական հոգեհանգիստ - ննջեցյալի հիշատակին նվիրված սգո հանդես՝ թաղումից առաջ
  6. քաղաքացիական կռիվ՝ պատերազմ - ներպետային դասակարգային կռիվ՝ պատերազմ
  7. քաղաքացիական նավատորմ՝ օդանավատորմ - ոչ ռազմական նպատակների ծառայող նավատորմ՝ օդանավատորմ
  8. քաղաքացիական պաշտպանություն - պատերազմի ժամանակ քաղաքագիտական բնակչության, արդյունաբերության ու ժողովրդական տնտեսության օբյեկտների պաշտպանության ամբողջությունը և դրա կազմակերպման համակարգը
  9. քաղաքացիական ծառայություն - ոչ զինվորական ծառայություն
  10. քաղաքացիական իրավունք ստանալ - հասարակության կողմից ընդունվել, ճանաչվել և գործադրվել ◆ Մեր գրական լեզուն արդեն քաղաքացիական իրավունքները ստացել է, և ուր որ էլ գնանք՝ ձեզ կհասկանան, եթե խոսեք և գրեք գրական լեզվով։ (Վահան Տերյան)

Աղբյուրներ[խմբագրել]

  • Դ․Ս․ Չիլինգարյան, Ե․Լ․ Երզնկյան, Պաշտպանական-անվտանգային տերմինների հայերեն-ռուսերեն-անգլերեն բացատրական բառարան, Գյումրի, «ՀՀ ՊՆ ռազմավարական հետազոտությունների ինստիտուտ», 2015 — 1196 էջ։