քաջ սահմանն իրենց զենքն է

Վիքիբառարան-ից

Հայերեն դարձվածք

  1. մեկի (պետության, մարդու․․․) ուժն է որոշում ամեն ինչ, այդ թվում իրավունքը ◆ Մենք մի առած ունեինք, որ ասում է․ <<Խոփդ սուր է, բայբ հանդը բաժանովի է>>։ Այս առածը խեղճերն են ասել, իսկ իշխողներն ուրիշ առած են ունեցել, որ է՝ <<Քաջերի սահմանը իրանց զենքն է>>։ (Ղազարոս Աղայան) ◆ Ես Արարատի մասին չէի խորհեր․․․ Այդ հարցը ինծի համար միայն մեկ պատասխան ունի, <<Սահման քաջաց զէնն իւրեանց>>։ Աշոտ Հովհաննիսյան ◆ Քաջին սահրադը (սահման) ուրան զենքն ա։ Արամ Ղանալանյան ◆ Ուրիշ Ամերիկա չկա, սոթտե թևերդ և աշխատե։Կերպով մը նախահայրերու <<սահման քաջաց>>ը։ Անդրանիկ Ծառուկյան ◆ Իտալիո սերը սահման չի ճանչնար․ <<Սահման քաջաց՝ սեր յուրյանց>>։ (Լեռ Կամսար) ◆ Վեց մրցանակներ կան և պիտի տրվին առաջին վեց հաղթողներուն։ Ուրեմն, սահման քաջաց․․․ոստ իւրեանց։ Անդրանիկ Ծառուկյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։