քիթ քթի

Վիքիբառարան-ից

Հայերեն դարձվածք

  1. շատ՝ կիպ մոտ (տարածությամբ, հարաբերություններով) ◆ Գլուխ գլխի տված, քիթ քթի, ինչ-որ բան էին հուզված խոսում ու քննարկում։ Պերճ Զեյթունցյան ◆ Քանդվեցան աճապարանոք քիթ-քթի շինված թիթեղաշեն «տուները»։ «Նաիրի»
  2. (մեկի հետ քիթ քթի) մտերիմ, մտերմիկ հարաբերության մեջ ◆ -Իմ չեղած հարևանի հետ՝ քիթ քթի, ոնց որ կաթ ու կորեկ։ Հետո զարկեց գլխին։ Մուշեղ Գալշոյան ◆ Չէր հավատար, որ Խաչիկը Մանոյին հետ քիթ քթի բարեկամ է դարձեր։ Համ
  3. միասին, առանձնացած, (խոսելու մասին) գաղտնի ◆ Թե բանվորական կոլեկտիվում, թե տանը, այնքան միասին են և քիթ քթի, որ շարժումները, ժպիտները, ձայնը սկսել են նմանել կամ նման թվալ։ Դերենիկ Դեմիրճյան
  4. երես առ երես ◆ Մի մասը արդեն երկու տարի է կարճատես է, չի բարևում ինձ, եթե քիթ քթի չենք հանդիպում։ Դերենիկ Դեմիրճյան ◆ Պիտի խոսեր անոնց վրա... առաջնորդին հետ քիթ քիթի այդ կնիկին երեսեն։ Հակոբ Օշական ◆ Պաշարված քաղաքը քիթ քթի կանգնեց սովամահության կամ անձնատվության վտանգի դեմ։ Գուրգեն Մահարի

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։