իր ձեռքն ընկնել

Վիքիբառարան-ից

Հայերեն դարձվածք

  1. մեկի ձեռքի տակ (պատահաբար) հայտնվել ◆ Բարկանում է խանուդպանը / Ու ձեռն ընկած մոտիկ բանը / Տու թե շան ճակատին, / Շուռ է տալիս կատվի կողքին։ Հովհաննես Թումանյան ◆ Ձեռը ինչ որ ինկավ նետեց դեպի պատուհանը։ Շահան Շահնուր ◆ Բարձերը, ձեռք ինկած լաթի զանազան կըորվանքները թրջեց անիկա սրսկումով։ ՕՇ
  2. տիրանալ ◆ Հլա մի իշխանությունը հաստա՛տ իրենց ձեռքն ընկնի, կաշիներս ոնց են հանելու։ «Հայք»
  3. (ձեռք ընկնել) ճարվել ◆ Ասենք մի քիչ դժվար ա ձեռք ընկնում, համա մի բան որ հեշտ ճարվի, էն բանի ղադրն արժեքը, հարգն ո՛վ կիմանա։ (Պերճ Պռոշյան) ◆ Թե որ ձեռքներս էլ մի բան է ընկնում, / Չենք կարողանում բերան հասցընենք։ Հովհաննես Թումանյան
  4. հաջողվել-ձեռք անցնել ◆ Լևոնը ոսկի մարդ է, այդպիսի մարդ միշտ ձեռք չի ընկնի: (Նաիրի Զարյան) ◆ Կենդանի որսալն էլ հեշտ բան չի, որսը ամեն անգամ ձեռ չի ընկնում: Հովհաննես Թումանյան ◆ - Վերջը շատ կը զղջաս, բայց ալ ձեռքիդ չիյնար [չի՛յնար]։ Լևոն Շանթ
  5. ստանալ ◆ Փող ընկնել Ափրեի ձեռքը. աշուն է՝ կոլտնտեսությունից սպասելիք ունի։ Մուշեղ Գալշոյան ◆ Մեղք են, ասում է , ձեռներն ընկած կոպեկը երեխի բերանից հանում, դեռ սրանից-նրանից էլ պարտք են անում։ «Հայաստանի Հանրապետություն»
  6. վաստակ(վ)ել ◆ Ծախսերիս հաշիվ չեր ճանաչում...ձեռքն ընկածը ծասում էր ջիի պես։ «Հայաստանի Հանրապետություն» ◆ - Ձեռդ ընկած փողը քոռ ու փուչ չանես։ Հովհաննես Թումանյան
  7. շահել ◆ - Սաղին էլ հետը կորցնելով՝ ձեռքներս բան չի ընկնիլ: (Պերճ Պռոշյան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։