Կաղապար:Օրվա բառ/Հոկտեմբերի 24, 2015 թ.
ըմբոստանալ բայ
Հայերեն
վանկեր՝ ըմ•բոս•տա•նալ
Բայ
- դիմադարձություն, անհնազանդություն ցույց տալ, չենթարկվել, չանսալ ◆ Հիբանի կինը միայն մի անգամ էր ըմբոստացել իր ամուսնու դեմ: (Ակսել Բակունց)
- ընդվզել, ապստամբել, բռնության դեմ դուրս գալ ◆ Ռամիկը դուրս էր եկել ինքն իրենից, ըմբոստանում էր: Դերենիկ Դեմիրճյան
- (փխբ․) վճռականորեն առարկել, հակառակել ◆ Բուրբոն ըմբոստացավ այս փիլիսոփայությունների դեմ: (Վահան Թոթովենց)
- (փխբ․) բողոքել մի բանի դեմ ◆ Սիրտը առաջին անգամ ըլլալով, կըմբոստանար: «Երևանյան օրեր»
- (փխբ․) մոլեգնել, կատաղել (տարերքի մասին)
- (փխբ․) իրեն զգացնել տալ, կամքին ու բանականությանը չենթարկվել ◆ Արյունն է աղմկում, ըմբոստանում: (Դանիել Վարուժան)
Հոմանիշներ
- անհնազանդանալ, անսաստել (հնց․), հեստել, նշկահել, ստամբակել, պեռանալ (ժղ․), լեզուն երկարացնել, ձայնը (գլուխ) բարձրացնել, գլուխ քաշել (վեր առնել), պոզ հանել, պոզերը ցույց տալ, կոտոշ(ները) ցույց տալ
- ապստամբել, ընդվզել, ծառանալ, վտարանջել, նշկահել, խազմել, ստամբակել, ըմպահկել, դրանջել, հեստել, պարազանել, մռտել, գլուխ բարձրացնել, գլուխ վերցնել, ապստամբության դրոշ բարձրացնել, ապստամբության դրոշակ պարզել, սառույցը կոտրվել