Կաղապար:Օրվա բառ/Դեկտեմբերի 27, 2015 թ.
տեսություն գո
Հայերեն
Դասական ուղղագրութեամբ՝ տեսութիւն
վանկեր՝ տե•սութ•յուն
Ստուգաբանություն
Գոյական
- փորձի՝ հասարակական պրակտիկայի տրամաբանական ընդհանրացումը, որ արտացոլում է բնության ու հասարակության զարգացման օրինաչափությունները
- որևէ գիտության կամ նրա որևէ բաժնի ընդհանրացրած գրույթների ամբողջությունը
- գիտելիքների և արվեստի որևէ բնագավառի տեսական կանոնների՝ հիմնական դրույթների ամբողջությունը ◆ երաժշտության՝ օդագնացության՝ գրականության տեսություն
- որևէ գիտության ընդհանուր՝ տրամաբանական-վերացական հիմունքների և դրանց իմացությունը ի հակադրություն դրանց գործնական կիրառության
- հայացքների՝ սկզբունքերի համակարգ, ուսմունք ◆ Նրա վերլուծությունները հիմնված են հոգեբանական տեսության վրա:
- տեսակետ, հայեցակետ
- կարծիք
- տեսողություն ◆ Որքան էլ որ սեպուհը լարեց յուր տեսությունը, այնուամենայնիվ չկարողացավ ճանաչել խմբի առաջնորդին: (Մուրացան)
- տեսակցություն, հանդիպում ◆ Կարոն, որի միջնորդությամբ կատարվում էին երկու սիրահարների գաղտնի տեսությունները, ոչինչ չգտավ պատասխանելու: (Րաֆֆի)
- այցելություն ◆ Տեսությունս հետաձգում եմ մի օր այն պատճառով, որ կարողանամ պատրաստվել և պարտ ու պատշաճ մեծարանքով դիմավորել զորապետին: (Մուրացան) ◆ Եթե հեռու գյուղից իր վաղեմի ծանոթը... նրան տեսության էր գալիս, տունը դառնում էր հարսանքատուն: (Ակսել Բակունց)
- տեսնելը ◆ Լույսը չբացված մի քանի հոգի գնացել էին իրենց արտերի ու այգիների տեսության և վերադարձել էին: (Ակսել Բակունց)