արյունը խմել

Հայերեն դարձվածք

1. սպանել (նաև վրեժխնդիր լինելու համար) ◆ Անիրա՛վ, հայերի արինն մի՛ խմի, Միտք արա՛, ես բաղին բաղմանչի ունի։ (Խաչատուր Աբովյան) ◆ Ընկերը ընկերոջ աչքն է երազում հանել, բարեկամը բարեկամի արյունն է տենչում խմել։ Պերճ Զեյթունցյան ◆ Այսօրվան աղերսական որբուհիներուն վիշապազուն կորյունները՝ ափերով թշնամիի արյունը պիտի խմեն։ Ռուբեն Զարդարյան ◆ Թող թուրք բանաստեղծները Անգարայի [Անկարայի] մեջ «Մոնսկո ֆի արյունը» խմել երազեն։ Անդրանիկ Ծառուկյան ◆ - Ձեր տանն իջած Մ․ Է ֆենդին ձեռքս ընկեր, արյունը կխմեի։ (Պերճ Պռոշյան) ◆ Իմ բիձա Թաթոյին ու խնամի Թեբելին վուր չգրիմ էս թխտումը, արունս կու խմին։ Գաբրիել Սունդուկյան ◆ Օ՜, մտրակե՛, երբ բըռնեն զիս՝ վագրի նման / Պիտի կրծեն ոսկորներս, լակեն արյունըս լըման։ (Դանիել Վարուժան) ◆ Այսօր քաղաքում, մեծ հրապարակում, մարդիկ հրեշտակի կում-կում արյունն են խմում։ Կոստան Զարյան
2. ճնշել, նեղություն տալ ◆ - Ա՜խ, Աստուձ, կնիկարմտին գանա [«երևի»] է՞նդուր իս ստիղծի աշխարհքի էրեսին, վուր ադմորթու արունը խմե՜։ Գաբրիել Սունդուկյան ◆ Մեկէլը Սոլոլակումը, ջեր ինչկլի [«դեռ մինչև»] էսօր էլ արունս է խմում։ ն
3. դաժանորեն կեղեքել՝ շահագործել ◆ Կամենում են «փոդրաթի» սիստեմը, որ իրանց հարազատ կապալառունները խմեն բանվորի արյունը, կեղեքեն, հարստահարեն նրան։ Սուրեն Սպանդարյան ◆ - Հայրս սըլուկի [սըլուգի, «տզրուկի»] մը պես արինը կը խմեր ժողովրդին, ես ալ բնական էր որ ժողովուրդին ոսկորը ծծիմ (կրծիմ)։ «Նաիրի» ◆ Եվ քո արյան ու քրտինքի գետերը հորդ և արդար Քո տնաբույս տերերն էին խմում ագահ, դարդար։ (Նաիրի Զարյան)

Աղբյուրներ

1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։