գահավեժ

Հայերեն

• ՄՀԱ՝ [ɡɑhɑˈvɛʒ]

Դասական ուղղագրութեամբ՝ գահավէժ

վանկեր՝ գա•հա•վեժ 

Կազմություն

Արմատ՝ գահ, հոդակապ՝ -ա-, արմատ՝ վեժ:

Ածական

1. բարձունքից՝ բարձր տեղից դեպի ցած սրնթաց՝ շեշտակիորեն իջնող՝ ընկնող՝ թափվող ◆ Գահավեժ ջրվեժ։
2. ուղղաձիգ ու բարձրաբերց ժայռեր ունեցող ◆ Դու անցել ես, չէ՞, Ռազմավիրական ճանապարհով… Ինչ սարսափ ու հիացք, այդ գահավեժ անդունդները, այդ ահավոր գագաթները։ (Նար-Դոս)
3. (փխբ․) ցած գլորվող կործանող, կործանիչ

Գոյական

1. բարձունքի գագաթ, գահավանդ ◆ Գիշերային խավարի մեջ նա ման էր գալիս ժայռերի գահավեժների վերա։ (Րաֆֆի)
2. (փխնն․) (բնստ․) գահավիժում, անկում
3. (փխբ․) արագընթաց ◆ Դեպքերը գահավեժ արագությամբ մը իրարու կհաջորդեին։ «Երևանյան օրեր»

Մակբայ

1. անդունդ գլորվելով, գահավիժելով ◆ Գահավեժ գլորվել։
2. բարձրից գցելով, բարձրից գլորելով ◆ Եթե կարողանամ, նույնիսկ դժոխքի հետ կմիանամ այդ անարժան թագավորին գահավեժ կործանելու համար։ (Մուրացան)

Հոմանիշներ

1. քարվեժ, դարվեժ, գահնկեց, դարահոս, պախվերժ, իջվայր (ժղ․)
2. պարեխ
3. տե՛ս գահավանդ
4. տե՛ս գահընկեց

Արտահայտություններ

1. գահվեժ անել - 1. ցած նետել, ցած գցել, 2. կործանել, տապալել ◆ Թագուհուն ոչ միայն գահավեժ են արել, այլև սպառնում են արտաքսել իր տերության սահմաններից։ (Շիրվանզադե)
2. գահավեժ լինել - ցած նետվել, ընկնել ◆ Օրիորդը… մտրակեց իր ձին և ահագին բարձրությունից գահավեժ եղավ խորին անդունդի մեջ։ (Րաֆֆի)

Թարգմանություններ
անգլերեն՝ plummeting, plunging, precipitating, precipitant, steep, precipitous գերմաներեն՝ դանիերեն՝ թուրքերեն՝ իսպաներեն՝ իտալերեն՝ հոլանդերեն՝ հունարեն՝ շվեդերեն՝ պորտուգալերեն՝ ռուսերեն՝ крутой (ru) ‎(krutoj), оствесный (ru) ‎(ostvesnyj) վրացերեն՝ ֆրանսերեն՝

Աղբյուրներ

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։