գլխում նստել
Հայերեն դարձվածք
- լավ հասկանալ (առավելապես ժխտական) ◆ Պռոշներս ցամաքեցին սուտ-սուտ քամի անելով, բայց խելքս չի կտրում, թե ասածներս գլխումը նստած լինին։ (Պերճ Պռոշյան)
- հասկանալ ու համոզվել ◆ Արտաշես Գուրգենովիչ, պլանի էդ ձևը գլխումս չի նստում: Դերենիկ Դեմիրճյան
◆ Շատ չարչարվեցին, սակայն, միևնույն է, նրա գլխին այդպես էլ չնստեց:
- հիմնավորապես համակել, հաստատ մտադրվել ◆ Եվ մի միտք, ծանր բեռից ավելի դժվար ծանրությամբ, նստել էր նրա գլխում: (Ակսել Բակունց) ◆ -Այդ մեկը, իրա՛վ որ, զարմանքի տեղ չունի. գիշեր ցերեկ գլխուդ մեջ Թորոսն է նստած: Լևոն Շանթ
Աղբյուրներ[խմբագրել]
- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։