առաջ շարժվելը կասեցնել ◆ - Մոտ վեց օր փակեցինք թշնամու ճանապարհը, չնահանջեցինք։ (Բաղիշ Հովսեփյան)◆ Քաղաքացիները վճռած են... ճամբան փակել բոլոր անոնց առջև, որոնք հուսախափուտյուն պատճառեցին քառամյակներ շարունակ։ «Զարթոնք»◆ Գյուղերի ու քաղաքների շուրջը սոսափում են էվկալիպտների երիտասարդ պուրակները՝ փակելով տապաբեր, ավերիչ քամիների ճանապարհը: «Ավանգարդ»
արգելք հարուցել ◆ Խավար գիշերը ոխերիմ / Փակել է ճանապարհս իմ / Քեզի տալու գանգատ ունիմ։ (Ջիվանի)◆ - Զարկե՛ք, ով ձեր դեմն է, ով ձեր ճամփան կը գոցե: Ով որ քեզի կ'արգիլե՝ քու թշնամիդ է։ Լևոն Շանթ◆ - Աշխարհում ոչինչ չի կարող սիրո ճամփան փակել: Մուրադբեկով ◆ Կյանքի գնով փակեցմահվան ճամփան։ «ՍՀ»
խափանել ◆ Եթե իրենք՝ աշխատավորներն ակտիվորեն չպահպանեն այն (օրինականությունը), մեզ չի հաջողվի լիովին փակել գողերի ճանապարհը: «ՍՀ» ◆ Ամեն սեռի ու աստիճանի սուրբերը օգնության կը կանչվեին չարին ճամբան գոցելու համար։ Լևոն Շանթ◆ - Կյանքի հատակից ելածն այս անբան / Հերիք չէ՞ փակե մեր փառքի ճամփան: Հովհաննես Շիրազ
չթողնել, որ տեղ գտնի, առաջն առնել ◆ Այդ «թարգմաությունը» պարզապես գրական խոտան է։ Իսկ խոտանի ճամփան պետք է փակել: «Ավանգարդ»◆ Առաջին հերթին պետք է փակել այդ (անպատիժ մնալու) ճանապարհը: Իսկ այդ ճանապարհը փակողներից մեկը կա՛մ ես եմ, կա՛մ դու, կա՛մ դու, կա՛մ քո հարևանը։ «Գարուն»◆ Նրանց (հանցագործների) առջև փակեն անազնիվ ճանապարհով փող վաստակելու բոլոր ուղիները: Երեկոյան Երևան
դժվարություն հարուցել ◆ Դաժան հարցը փակում էր նրա ճանապարհը: Անմիջապես սահմանի՞ վրա սկսել ապստամբությունը, թե՞ մի փոքր հետաձգել։ Դերենիկ Դեմիրճյան