ջուրն ընկնել
Հայերեն դարձվածք
ջուրն ընկնել1[խմբագրել]
- (ջուրը թափվել՝ լցվել, (խսկց․) ջուրը երթալ) զուր կորչել, զուր անցնել, ի դերև ելնել ◆ Սրտի ցավով վճարում է յուրաքանչյուրի օրավարձը՝ համարելով իր ձեռնարկն անմիտ գործ, ծախսված փողը՝ ջուրն ընկած: (Ավետիք Իսահակյան) ◆ Համաձայնության համար մեր անկեղծ ջանքերը ջուրը ինկան հիմար հետին միտքերու պատճառով։ Երվանդ Օտյան ◆ Պարզիր այդ թյուրիմացությունը... այլապես մեր այս չարչարանքը ջուրը պիտի թափվի: Ն-Դ ◆ Բանից դուրս է գալիս, որ գրքի ստեղծման հետ առնչվող բազմաթիվ մարդկանց աշխատանքը ջուրն է լցվում: Աղավնի ◆ -Թե էս էրկու օրը Խեչանին հավի ճուտի պես կարացինք բռնել՝ շատ լա՛վ, թե չէ՝ ղշի՜ պես դուս կթռչի ու մեր աշխատանքը ջուրը կերթա: (Պերճ Պռոշյան)
- ձախողվել ◆ Երբ այդպես կըսեն, ըսել է թե ձախողած է, ջուրը ինկած: «Նաիրի» ◆ Ջուրը թափվեց ֆրանսահայերից «լեգոնական գնդեր կազմելու» ցնորամիտ ծրագիրը։ «Նաիրի» ◆ համեմատության համար՝ Խոսքը կ’ըներ նախորդ ծրագիրին։ Անիկա ընկղմած է Սենի ջուրերուն մեջ: Նշան Պեշիկթաշլյան
- տապալվել ◆ Նա այժմ պարզապես զգում էր, որ իր առաքելությունը ջուրն է ընկնում: Դերենիկ Դեմիրճյան ◆ -Երբ հայրս տեսնե որ հակառակորդը ամեն բան գիտե ու պատրաստված է, այս տարի արշավանքը կ’իյնա ջուրը: Լևոն Շանթ
- խափանվել ◆ -Տերտեր որտեղից... Տիրացու Մարկոսի գործն էլ ջուրն ընկավ. չուզողները հակառակ կացան, խնդիր տվին։ Ահ ◆ -Եթե այս ամուսնությունը ջուրը իյնա, աղջիկդ հիմակվընե, այսօրվընե դժբախտ կ’ըլլա։ Մկրտիչ Կորյուն
- կործանվել ◆ Եթե այդ անվիճելի տեսակետն ընդուներ, ապա ավազի վրա կառուցված նրա տեսությունը ջուրն էր ընկնելու: Եր
ջուրն ընկնել 2[խմբագրել]
- իրեն վերջ տալ ◆ -Եթե պարտեզս վերցնեք՝ պիտի գնամ ջուրն ընկնեմ, որովհետև երեխաներիս ապրուստն այդ ծառերն են։ Ստեփան Զորյան ◆ -Լավն էն չի՞ էս սհաթս հրամայես գնամ ջուրն ընկնեմ, խեղդվեմ։ (Պերճ Պռոշյան) ◆ -Դե, գնանք ջուրը թափվենք, էլի՛, եթե դու պիտի մեզ տանես կուսակցության գլխավոր գծով։ (Նաիրի Զարյան) ◆ -Իշխանությունն իրենցն է, հրամանն իրենցն է։ -Դե ասա գնանք ջո՛ւրը լցվենք: ... -Ջուրն ինչո՞ւ ենք լցվում: Մենք էլ մեր գործը կանենք։ Դերենիկ Դեմիրճյան
Աղբյուրներ[խմբագրել]
- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Հայերեն բառեր խոսակցական իմաստով
- Քաղվածք/Ավետիք Իսահակյան
- Քաղվածք/Երվանդ Օտյան
- Քաղվածք/Աղավնի
- Քաղվածք/Պերճ Պռոշյան
- Քաղվածք/«Նաիրի»
- Քաղվածք/Նշան Պեշիկթաշլյան
- Քաղվածք/Դերենիկ Դեմիրճյան
- Քաղվածք/Լևոն Շանթ
- Քաղվածք/Մկրտիչ Կորյուն
- Քաղվածք/Ստեփան Զորյան
- Քաղվածք/Նաիրի Զարյան
- Բառեր «Հայերեն դարձվածքների ընդարձակ բացատրական բառարան» գրքից