ջրի երես դուրս գալ
Հայերեն դարձվածք
- (արևմտհ․) (ջրի երես ընկնել) ի հայտ գալ, արտահայտվել ◆ Քաղաքական գաղտնիքներն... իրենց առանձնահատկությունն ունեն. մեկ էլ տեսար՝ կարող են անսպասելի ջրի երես դուրս գալ: Այպես ջրի երես դուրս եկավ և այն գաղտնիքը։ Երեկոյան Երևան ◆ Սառույցը կոտրվեց, Մարգոյի դժգոհությունը դուրս եկավ ջրի երես: (Խաժակ Գյուլնազարյան) ◆ Ամեն ինչ պարզվըմ ա, ջրի էրեսն ա ընգնըմ: (Պրկափոխան կնիկը)
- բացահայտվել ◆ Վերադասի դեմ այդ դավադրությունը վերջնականապես ջրի երես է ելնում մոտ մեկ տարի հետո։ Երեկոյան Երևան ◆ -Տեսա՞ր հայրիկ, քեզի ի՞նչ կըսեի, ասանկով ջուրին երեսը պիտի ելլեն ու Մինին պիտի ըլլա հանցավորը։ Սուրեն Փափազյան ◆ Այլևս ջուրին երեսը ելան Ճոնսընի հանդեպ իր ունեցած բոլոր կասկածները։ «Զարթոնք»
- հայտնվել, մեջտեղում երևալ ◆ Դրանից հետո նա (ԱՍԱԼԱ-ն) երբեմն ջրի երես է դուրս գալիս տարեկան լոկ մեկ-երկու հայտարարություններով։ «Ազգ» ◆ Ամբողջ այս սիրտուացիան այդ մարդն է իրականացնում՝ չցանկանալով դեռևս ջրի երես դուրս գալ: «Առավոտ»
- (ջրի երես թռչել) վերևում հայտնվել (փխբ․) ◆ Ով տաղանդավոր է, ջրի երես կելնի, ով ապաշնորհ է, միևնույն է կսուզվի Լետայի մեջ։ (Վահան Տերյան) ◆ Իր անդիմադրելի հրապույրով (կինը) հաճախ ջուրին երեսը կ’ելլե, անոր տակը հրելով իրեն հետ բան-գործ ունեցող այրը։ «Զարթոնք» ◆ -Մի քնից զարթնեք ու տեսեք, թե ինչպես է շուռ եկել աշխարհը, որ Ղուկասը ջրի տակն է գնացել, Մացակը թռել է ջրի երես: (Նաիրի Զարյան)
- հայտնի՝ ծանոթ դառնալ ◆ Ջոնսին, որի անունը հիմա է ջրի երես դուրս գալիս, անհայտ Ֆանատիկոս չես համարի։ Երեկոյան Երևան
- (ջրի երես ընկնել) ասպարեզ գալ՝ իջնել ◆ -Թող քաշվի առայժմ իր բերդը, վերջը քիչ քիչ նորեն ջուրին երեսը կ’ելլե: Լևոն Շանթ ◆ Բայց բոլորս, նույնիսկ ամենամիջակները մեզանից, ջրի երես ելան: ...Հետո կյանքում շատ բանի հասան։ (Անահիտ Սահինյան) ◆ «Թուրքը քեզ բաց աչքով հող կտա՞, տո ուզուն ախմախ, որ ծանր տեղդ թեթևացրել, ընկել ես վարար ջրի երեսը: Բա որ քցի տանի՞»: «Հայաստանի Հանրապետություն»
- դուրս պրծնել, պատճառներ բերելով ինքզինքը արդարացնել
Աղբյուրներ[խմբագրել]
- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Քաղվածք/Երեկոյան Երևան
- Քաղվածք/Խաժակ Գյուլնազարյան
- Քաղվածք/Սուրեն Փափազյան
- Քաղվածք/«Զարթոնք»
- Քաղվածք/«Ազգ»
- Քաղվածք/«Առավոտ»
- Հայերեն բառեր փոխաբերական իմաստով
- Քաղվածք/Վահան Տերյան
- Քաղվածք/Նաիրի Զարյան
- Քաղվածք/Լևոն Շանթ
- Քաղվածք/Անահիտ Սահինյան
- Քաղվածք/«Հայաստանի Հանրապետություն»
- Բառեր «Հայերեն դարձվածքների ընդարձակ բացատրական բառարան» գրքից