ջրի պես
Հայերեն դարձվածք
ջրի պես 1[խմբագրել]
- անգիր արած ◆ Նարեկի աղոթքները «ջրի պես» գոց գիտե, որ սովորել է մեծ հորից միայն լսելով։ (Ավետիք Իսահակյան) ◆ Դե գնացեք, վաղը կգաք / Անգիր արած ջըրի պես։ Հովհաննես Թումանյան ◆ Իմ ղորմածըիկ նանը ինձ ըրեխա վախտին շատ աղոթնի ա սըվըրցըել, չիմ ճրի պըես գյիդըմ եմ։ (Սփաթդ Կիկոսի ա նման․․․) ◆ «Մինչև դասդ ջրի նման անգիր չանես՝ նկուղից դուրս չգաս»։ (Վախթանգ Անանյան)
- սահուն ◆ -Ես էլ էի էսպես, պզտիկ ժամանակս իմանայիր ինչպես էի կարդում, դասերս ջրի՜ պես էի քաղում, ջուրի պես հայերեն կը խոսի։ (Հակոբ Մնձուրի) ◆ Երկուքն ալ ջուրերու պես հայերեն կը խոսեին։ (Հակոբ Մնձուրի)
- վարժ ◆ -Նա․․․ ջրի պես կկլկլացնի կես սհաթումը։ (Պերճ Պռոշյան) ◆ Ու ձին նորից գնում էր «ջրի պես»՝ բաշը քամուն տված Ստեփան Զորյան ◆ Եզներն էին գեր և ուժեղ գեղեցիկ,/ Մաճն յուր ձեռին՝ գութան կերթար ջրի պես։ Ռափայել Պատկանյան
- շատ լավ, քաջ ◆ Շիլլերը ջուրի պես գիտե։ (Ակսել Բակունց) ◆ Գրելակերպ, ապրելակերպ ևն․ ջուրի պես կը գործածվեն այսօր։ Արտաշես Հարությունյան
- արագ ու հեշտ ◆ -Շահածդ ջուրի պես կ’երթա կոր, մինչև ամսուն վերջը մեծ բան մը չի մնար ձեռքդ։ Վահրամ Մավյան
ջրի պես 2[խմբագրել]
- առատ․ առատորեն◆ Փողն առատ ջրի պես, մյուլքերն իրենց տեղը։ (Հակոբ Մանանդյան) ◆ -Առնում էի, ծախսում․․․ փողը ջրի պես էր գալիս ու գնում։ Ն-Դ ◆ -Հետո ինչ քեֆ, ինչ քեֆ։ Շամպանիան ջրի պես է հոսում։ ԱլՇ ◆ Դեղին մետաղը կը հոսի ջուրի պես։ ◆ Ջան ու արին ջրի պես մատաղ անում։ (Խաչատուր Աբովյան)
- հեշտ ու հանգիստ◆ Համբավն ուներ էրիկ կնկա գործերը ջուրի պես կարգադրելու։ Հակոբ Օշական
- հեշտ ու շվայտությամբ ◆ Ծախսելիս հաշիվ չէր ճանաչում․․․ ձեռքն ընկածը ծախսում էր ջրի պես։ «Հայաստանի Հանրապետություն» ◆ Փարիզուհին հետ խոլ շվայտության մը անձնատուր եղավ, ջուրի պես մսխելով դրամը։ Եր
ջրի պես 3[խմբագրել]
- հասարակ, առանձին բան չպարունակող, ակներևորեն ◆ (Մորս զրույցը) ջրի պես սովորական է նրանց համար։ Ստեփան Զորյան ◆ Դա երկու կաթիլ ջրի պես պարզ է դառնում, հենց որ ակադեմիկոսը փորձում է հայ-վրացական հարաբերություններում ճեղքեր որոնել։ «Խորհրդային Ղարաբաղ»
Աղբյուրներ[խմբագրել]
- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Քաղվածք/Ավետիք Իսահակյան
- Քաղվածք/Հովհաննես Թումանյան
- Քաղվածք/Վախթանգ Անանյան
- Քաղվածք/Հակոբ Մնձուրի
- Քաղվածք/Պերճ Պռոշյան
- Քաղվածք/Ստեփան Զորյան
- Քաղվածք/Ռափայել Պատկանյան
- Քաղվածք/Ակսել Բակունց
- Քաղվածք/Արտաշես Հարությունյան
- Քաղվածք/Վահրամ Մավյան
- Քաղվածք/Հակոբ Մանանդյան
- Քաղվածք/Խաչատուր Աբովյան
- Քաղվածք/Հակոբ Օշական
- Քաղվածք/«Հայաստանի Հանրապետություն»
- Քաղվածք/«Խորհրդային Ղարաբաղ»
- Բառեր «Հայերեն դարձվածքների ընդարձակ բացատրական բառարան» գրքից