Կաղապար:Օրվա բառ/Հոկտեմբերի 28, 2016 թ.
Հայերեն
Դասական ուղղագրութեամբ՝ անձ
վանկեր՝ անձ
Ստուգաբանություն
Առաջացել է բնիկ հնդեվրոպական ang'hen-՝ «շունչ, անձ» արմատից։ Համեմատել հարավիռլանդերեն angi` «հոտ, բույր» բառի հետ։
Գոյական
- մարդ (իբրև անհատ) ◆ Այդ անձը․․․ մի հայացք ձգեց խրճիթի ներսը։ Վրթանես Փափազյան
- անձնավորություն ◆ Նա իբրև բարձր պաշտոնական անձ, պետք է բոլորին պատվերներ և հրահանգներ տար։ (Րաֆֆի)
- հոգի, մարդ (թվականների հետ)
- (հնց․) մարդու մարմինը ◆ Այժմ դու, տեսնելով ինձ անձով փոքրիկ, արհամարհում ես։ (Րաֆֆի)
- անձնական դերանունների սեռական հոլովի կամ դիմորոշ հոդերի հետ գործածվում է համապատասխան դերանունների անդրադարձ իմաստով ◆ Անձս (ինքս ինձ) կնվիրաբերեմ այդ գործին։
Հոմանիշներ
- անձնավորություն, մարդ, էակ, արարած, ինքնուրույն, ներանձն (հնց․)
- հոգի, շունչ, ջան (բրբ․), բերան
Արտահայտություններ
- անձը դնել՝ զոհել - իրեն զոհել որևէ նպատակի համար ◆ Դու եթե ամենափոքր ազնվություն ունենայիր, պետք է քո անձն դնեիր նրա տան վրա։ (Րաֆֆի)
- գործող անձինք (անձեր) - դրամատիկական ստեղծագործությունների հերոսները
- ֆիզիկական անձ (իրավ․) - մարդը որպես իրավունքների ու պարտականությունների կրող
- իրավաբանական անձ - հիմնարկություն՝ ձեռնարկություն՝ կազմակերպություն իբրև իրավունքների և պարտականությունների կրող