Վիքիբառարան:Օրվա բառ

Վիքիբառարան-ից
Թարմացնել այս էջի քեշըԹարմացնել Գլխավոր էջի քեշը.


Օգոստոսի 20-ի բառ

-
Օգոստոսի 20
Writing star.svg

տոչորել

Հայերեն

Դասական ուղղագրութեամբ՝ տոչորել

Վանկեր՝ տո•չո•րել 

Կազմություն

Արմատ՝ տոչոր, վերջածանց՝ -ել:

Բայ

  1. այրել, վառել, կիզել ◆ Կեսօրվա արևը տոչորում էր մարդուն: ◆ Վաղ առավոտյան, երբ արեգակը դեռ չէր սկսել տոչորել, Աբդուլը վազեց իր բարի, քաղցրաբարո վարժապետի... մոտ: (Րաֆֆի)
  2. չորացնել, խանձել ◆ Երաժշտը և տոթը տոչորել են արտերը: ◆ Ցերեկվա տոթը այն աստիճան տոչորում է, ցամաքեցնում է հասունացած արտերը, որ հնձելու միջոցին հասկերից հատիկները թափվում են: (Րաֆֆի)
  3. սաստիկ ծարավով տանջել, պապակեցնել ◆ Ծարավը տոչորում էր ճամփորդներին:
  4. (փխբ․) կարոտի՝ սիրո՝ որևէ ցանկության բուռն՝ այրող զգացումով տանջել, հանգիստ չտալ, տանջել ◆ Հայրենյաց կարոտն սիրտս է տոչորում: (Րաֆֆի) ◆ Լոկ փառասիրական հաշիվներ չէին, որ կտոչորեին յուր արյունը: (Արփիար Արփիարյան)
  5. (հնց․) բուռն կարոտից՝ սիրուց՝ տարփանքից տանջվել՝ տառապել
  6. բորբոքել, կրակը արծարծել
  7. (փխբ․) ներքին տապով այրել, վառել ◆ Եվ քո թախիծը, դարձյալ քո սրտում, Մենակ քո անձը պիտի տոչորի: (Հովհաննես Թումանյան)

Հոմանիշներ

  1. այրել, վառել, կիզել
  2. տե՛ս խանձել, չորացնել
  3. պապակեցնել, ծարավեցնել
  4. տե՛ս տանջել, տվայտել
շարունակել․․․
-
Անցած 10 օրվա բառները Եկող 10 օրվա բառները
Օգոստոսի 19
Writing star.svg
տոմս

Հայերեն

Դասական ուղղագրութեամբ՝ տոմս

Վանկեր՝ տոմս 

Գոյական

  1. որևէ բանից (վճարով) օգտվելու՝ որևէ բանի մասնակցելու՝ դիտելու և այլնի իրավունքի փաստաթուղթ՝ փոքրիկ թերթիկի՝ կտրոնի՝ քարտի և այլնի ձևով ◆ Թատրոնի՝ երկաթուղային տոմս: ◆ - Հը՜, լապստրակ, բռնվեցիր,- ասաց մարդը, որ մուտքի առաջ տոմս էր ստուգում: (Ակսել Բակունց)
  2. որևէ վիճակախաղի մասնակցելու իրավունք տվող թուղթ ◆ Հինգ տոմս միանգամից վերցրեց. երեքը փուչ էր, մեկին բաժին ընկավ ռետինե տիկնիկ, մյուսին՝ ծաղկաման: (Ակսել Բակունց)
  3. որևէ կազմակերպության՝ կուսակցության պատկանելը հաստատող փաստաթուղթ, անդամագրքույկ ◆ Ռուբեն Մաշուրյանը այդ կածանով էր եկել շրջկենտրոն կուսակցական տոմս ստանալու, երբ ընդամենը քսան տարեկան էր: (Սերո Խանզադյան)
  4. քննական հարցաթերթիկ
  5. կարճ նամակ, երկտող ◆ (Նա) աճապարանքով կարդաց տոմսը - «Մի՛ մոռանաք ծովի գիշերը»: (Վահան Թոթովենց)
  6. տե՛ս հրավիրատոմս

Հոմանիշներ

  1. տոմսակ
  2. անդամագրքույկ
  3. տե՛ս հարցաթերթիկ
  4. տե՛ս երկտող
  5. տե՛ս հրավիրատոմս
  6. տե՛ս սիրատոմս
  7. տե՛ս այցետոմս, այցեքարտ
շարունակել․․․
Օգոստոսի 21
Writing star.svg

քաղաքական

Հայերեն

Դասական ուղղագրութեամբ՝ քաղաքական

Վանկեր՝ քա•ղա•քա•կան 

Կազմություն

Արմատ՝ քաղաք, վերջածանց՝ -ական:

Ածական

  1. քաղականության հետ կապված, քաղաքականությունը կենսագործելուն վերաբերող ◆ Քաղաքական գործունեություն: ◆ Շապուհի հալածանքները կատարյալ քաղաքական նպատակով են կատարվում: (Րաֆֆի)
  2. պետության վարչական-պետական կառուցվածքին հատուկ՝ վերաբերող ◆ Քաղաքական կառուցվածք: ◆ Տնտեսական-տեխնիկական և քաղաքական-իրավական ձևերը կարելի է վերցնել դրսից, բայց լեզուն պետք է ստեղծագործել: (Վահան Տերյան)
  3. մի երկրի իրադրությանը հատուկ, երկրի պետական գործերին՝ հատուկ՝ վերաբերող ◆ Քաղաքական դրություն: ◆ Ժամանակի քաղաքական դառն հանգամանքները նպաստեցին նրանց: (Րաֆֆի)
  4. պետության քաղաքականության գործերով զբաղվող, քաղաքականության վերաբերող գործունեություն ունեցող ◆ Քաղաքական գործիչ: ◆ Չեմ հավատում քաղաքական մարդկանց, առանձնապես բյուզանդացի մարդկանց անկեղծությանը: (Ստեփան Զորյան)

Գոյական

  1. (խսկց․) (հնց․) քաղաքական բանտարկյալ՝ աքսորական ◆ Ձերժինսկու այդ վարմունքը ոչ միայն հիացմունք առաջացրեց քաղաքականների, այլև քրեականների մեջ: (Դասագիրք)

Հոմանիշներ

  1. (հզվդ․) քաղաքականական, աշխարհավարական
  2. պետական, կառավարչական
  3. տե՛ս քաղաքային
շարունակել․․․
Օգոստոսի 18
Crystal txt.png Այս օրվա համար դեռ ընտրված բառ չկա։ Դուք կարող եք նոր բառ առաջարկել թեկնածուների էջում։
Օգոստոսի 22
Writing star.svg

վեհաշուք

Հայերեն

Դասական ուղղագրութեամբ՝ վեհաշուք

Վանկեր՝ վե•հա•շուք 

Կազմություն

Արմատ՝ վեհ, հոդակապ՝ -ա-, արմատ՝ շուք:

Ածական

  1. վեհորեն շքեղ, փառահեղ ◆ Վեհաշուք դահլիճ:
  2. վեհորեն գեղեցիկ, պերճ, մեծավայելուչ ◆ Վեհաշուք տիկին:
  3. վեհաշուքություն արտահայտող, փառահեղ, սիգապանծ ◆ Վեհաշուք կեցվածք, քայլվածք: ◆ Նա գալիս էր հպարտ ու վեհաշուք: (Դերենիկ Դեմիրճյան)

Հոմանիշներ

  1. փառահեղ, փառաշուք, մեծաշուք, բարձրաշուք, վսեմաշուք, շքեղաշուք, պերճաշուք, ազնավաշուք, ծանրաշուք, ոսկեշուք (փխբ․), փառավոր, հոյակապ, վեհանկար, վեհապատկեր, մեծասպաս (հզվդ․)
  2. մեծավայելուչ, ազնվաշուք, պերճաշուք
  3. տե՛ս սիգապանծ, վեհապանծ
  4. տե՛ս ազնվափայլ
շարունակել․․․
Օգոստոսի 17
Writing star.svg
սեղմել

Հայերեն

Դասական ուղղագրութեամբ՝ սեղմել

Վանկեր՝ սեղ•մել 

Կազմություն

Արմատ՝ սեղմ, վերջածանց՝ -ել:

Բայ

  1. ճնշելով՝ ճնշումով որևէ բանի ծավալը փոքրացնել ◆ Հատուկ մխոցով սեղմում են խառնուրդը:
  2. ճնշելով՝ ճնշում դործադրելով միջի հեղուկը քամել ◆ Լվացած բուրդը սեղմեց ու ջուրը քամեց:
  3. ճնշելով խտացնել ու ծավալը փոքրացնել, փոքրածավալ դարձնել՝ մի բանի մեջ տեղավորելու համար, հուպ տալով մտցնել՝ խցկել՝ տեղավորել ◆ Բամբակը սեղմեց պարկի մեջ:
  4. ամուր կերպով իրար միացնել, սերտորեն հպել՝ կպցնել իրար ◆ Շրթունքները՝ ատամները սեղմել:
  5. կծկել, հավաքելով՝ իրար մոտ բերելով գունդ կազմել ◆ Բռունցքը սեղմեց:
  6. ուժեղ կերպով ճնշելով՝ հուպ տալով ցավացնել ◆ Ձեռքս մի՛ սեղմիր: Մատներն այնպես սեղմեց, որ ճրթճրթացին:
  7. նեղ՝ փոքր լինելով ճնշել՝ ցավ պատճառել ◆ Կոշիկը ոտքը սեղմում է:
  8. շրջապատելով՝ սեղմորեն կպչելով՝ ընդհուպ մոտենալով և այլնով ճնշել՝ ճնշման ենթարկել ◆ Սառույցները սեղմեցին նավը:
  9. նեղ տարածության մեջ փակել՝ շրջափակել, նեղացնել, նեղ դարձնել ◆ Ցածում ժայռերը սեղմում էին գետի հունը: (Ժիրայր Ավետիսյան)
  10. ճնշել, ճնշող ազդեցություն թողնել, դառնության՝ կսկծանքի զգացում առաջացնել ◆ Նրա վշտահար դեմքը միշտ սեղմում է սիրտս, մի ծանր զգացումով պատում:
  11. հուպ տալ, օղակի մեջ առնելով՝ մի բանի շուրջը փաթաթվելով ճնշել՝ հուպ տալ ◆ Օձը փաթաթվեց խեղճ կենդանուն և սեղմեց իր օղակների մեջ:
  12. ձեռքով ճնշելով՝ ուժեղ կերպով հուպ տալով անհանգստություն՝ ցավ՝ նեղություն պատճառել ◆ Իր հաստ ու մսալի մատները սեղմեց նրա կոկորդին: (Նաիրի Զարյան)
շարունակել․․․
Օգոստոսի 23
Writing star.svg

փրփրակալել

Հայերեն

Դասական ուղղագրութեամբ՝ փրփրակալել

Վանկեր՝ փ(ը)ր•փ(ը)•րա•կա•լել 

Բայ

  1. փրփուրներով պատվել, փրփուրներով լցվել
  2. փրփրել, փրփուրների վերածվել
  3. բերանից փրփուր թափվել, բերանը փրփրել
  4. (փխբ․) զայրանալ, կատաղել
  5. (փխբ․) արագ վազելուց քափուքրտինքով պատվել ◆ Փրփրակալած նժույգները սկսեցին... բարձրանալ: (Դերենիկ Դեմիրճյան)

Հոմանիշներ

  1. փրփրել, փրփրավորվել, պղպջակել, փրփուր կտրել, փրփրուր տալ
  2. տե՛ս զայրանալ, կատաղել
շարունակել․․․
Օգոստոսի 16
Writing star.svg

պարծենկոտ

Հայերեն

Վանկեր՝ պար•ծեն•կոտ 

Ածական

  1. չափից դուրս պարծեցող, ինքնաբավական, ինքն իրենով չափազանց գոհ ◆ -Հե՜յ, կանչեց, գոռոզ, պարծենկո՛տ Կաղնի, Դե լավ ճանաչիր ինձ ու քեզ հիմի: (Հովհաննես Թումանյան)
  2. ինքն իրեն գովող, ինքնագով
  3. գոռոզամիտ, գոռոզ
  4. մեծախոս, մեծ-մեծ խոսող
  5. պարծենկոտություն արտահայտող՝ պարունակող

Գոյական

  1. պարծեցող, հպարտացող, իր գլուխը գովող անձ ◆ Նստած է Համոն այն հայհոյասեր լինինականցին, այն պարծենկոտը, որ չի հավանում ոչ ոքի՝ բացի սեփական անձից: (Եղիշե Չարենց)

Մակբայ

  1. պարծենկոտությամբ, պարծենալով, պարծենկոտ կերպով ◆ Եվ պարծենկոտ կպատմի, թե ինչպես... Մրոցը մի զինվոր էլ չի տվել: (Ակսել Բակունց)

Հոմանիշներ

  1. ինքնագոհ, անձնագոհ, ինքնաբավական, ինքնապանծ, ինքնապարծ, ինքնահաճ, ինքնահաճո, լակաշբերան, լոբպազ (գվռ․), մեծապանծ, մեծապարծ, սնապարծ, պարծուկ (հզվդ․)
  2. ինքնագով, անձնագով, գովգովիկ, կոկոզավիզ (հնց․), (գվռ․)՝ գովվտան, գովվան, լողվա, շփացուկ, ճըռթ
  3. մեծախոս, մեծաբան, հոխորտաբան, հոխորտախոս, ֆանֆարոն (գրք․), (հնց․)՝ կոկոզաբան, պայլանկ, վռան
  4. տե՛ս գոռոզ, գոռոզամիտ
շարունակել․․․
Օգոստոսի 24
Writing star.svg

ցորեն

Հայերեն

Weizenähren.jpg

Վանկեր՝ ցո•րեն 

Գոյական

  1. հացազգիների ընտանիքին պատկանող հացատիկային բույս ◆ (Թռչունները) փչացնում են մեր ցորենի հասկերը: (Ղազարոս Աղայան)
  2. այդ բույսի հատիկը, որ աղալով՝ ալյուրի վերածելով գործածում են հաց և զանազան խմորեղեն թխելու համար ◆ Աղորիքները վետվետում էին ու պարում, ցորենը փոշիանում էր: (Դերենիկ Դեմիրճյան)
  3. ցորենի արտ՝ ցանք
  4. (փխբ․) հաց

Ածական

  1. ցորենի հատիկներից կամ դրանց ալյուրից պատրաստված ◆ Ցորեն հաց, ցորեն ճաշ:
  2. (փխբ․) ցորենի գույն ունեցող ու ցորենի պես տռուզ՝ առույգ ◆ Ցորեն երես:

Հոմանիշներ

  1. (բսբ․) հացահատիկ, ցորյան (հին) (բնստ․), (գվռ․)՝ խորբալ, խորբար
  2. ցորենահատ, ցորենահատիկ, ցորենհատ, ցորնահատիկ, մուրկ (հնց․)
  3. ցորենարտ, ցորենտեղ, ցորնատեղ
  4. տե՛ս հաց

Արտահայտություններ

  1. ցորեն է թե՞ գարի (խսկց․) - նորածինը տղա՞ է, թե՞ աղջիկ
  2. ցորեն հաց որ չունես, ցորեն լեզու՞ էլ չունես (խսկց․) - եթե չքավոր ես (չես կարող հյուրասիրել), գոնե քաղցր լեզու ունեցիր
  3. ցորեն չեմ կերել, արտի կողքից անցել մե (խսկց․) - ուսում չեմ առել, բայց քիչ թե շատ հասկացողություն ունեմ
  4. վերի արտի ցորե՞նն ես (խսկց․) - ինչու՞ պետք է քեզ բացառիկ արտոնություն տալ, ինչ որ մենք ենք, այն էլ դու
  5. տարեկան ցորեն - հաճար
շարունակել․․․
Օգոստոսի 15
Writing star.svg

նախատեսել

Հայերեն

Դասական ուղղագրութեամբ՝

Վանկեր՝ նա•խա•տե•սել 

Բայ

  1. նախապես ենթադրել՝ կռահել՝ գուշակել ◆ Նա էր նախատեսել ամեն մի դեպք: (Լեո)
  2. տվյալները՝ փաստերը և այլն հաշվի առնելով՝ ուսումնասիրելով ճիշտ եզրակացության հանգել ապագայում՝ առաջիկայում լինելիքի՝ դեպքերի ընթացքի և այլն մասին
  3. նախապես հաշվի առնել՝ նկատի ունենալ ◆ Նրա անտեղի միջամտությունը ոչ ոք չէր նախատեսել:
  4. նախապես սահմանել, որևէ բան հաշվի առնելով՝ համապատասխան միջոց՝ որոշում և այլն սահմանել ◆ Այդ հանցագործության համար քրեական օրենսգիրքը նախատեսում է 5-ից 8 տարվա ազատազրկում:

Հոմանիշներ

  1. հատկացնել, առանձնացնել սահմանել
  2. կանխատեսել, նախազգալ, կռահել, ենթադրել, կանխագուշակել, նախագուշակել
  3. տե՛ս եզրահանգել
շարունակել․․․
Օգոստոսի 25
Writing star.svg

փրփրել

Հայերեն

Դասական ուղղագրութեամբ՝ փրփրել

Վանկեր՝ փ(ը)ր•փ(ը)•րել 

Կազմություն

Արմատ՝ փրփուր, վերջածանց՝ -ել:

Բայ

  1. փրփուր դառնալ, փրփուրի վերածվել (օճառի և այլ փրփրուն նյութերի մասին) ◆ Կոշտ ջրերի մեջ վատ է փրփրում օճառը: (Դասագիրք)
  2. ալիքավորվելով փրփուրներ առաջացնել, փրփուրով ծածկվել ◆ Տեսել ես, ծերուկ, ժայռերի միջով կատղած անցնելիս գետը փրփրած: (Հովհաննես Հովհաննիսյան)
  3. (փխբ․) զայրագնել, կատաղել, խիստ բարկանալ
  4. (փխբ․) մոլեգնել, մոլեգին ընթացքով վազել՝ սլանալ ◆ Կատաղեց, փրփրեց Մսրա թագավոր: (Հովհաննես Թումանյան)
  5. (փխբ․) խռովել, խռովության՝ խառնակության՝ իրարացման մեջ լինել, հուզվել ◆ Աշխարհը փրփրել էր: (Արթ. Ֆելիչե)

Հոմանիշներ

  1. փրփրակալել, փրփրավորվել, պղպջակել, փրփուր կապել, փրփուր կտրել, փրփուր տալ
  2. փրփրապատվել
  3. տե՛ս կատաղել
  4. տե՛ս մոլեգնել
  5. տե՛ս հուզվել
շարունակել․․․
Օգոստոսի 14
Writing star.svg

սնապարծություն գո

Հայերեն

Դասական ուղղագրութեամբ՝ սնապարծութիւն

Վանկեր՝ ս(ը)•նա•պար•ծու•թյուն 

Ստուգաբանություն

Արմատ՝ սին, հոդակապ՝ -ա-, արմատ՝ պարծ, վերջածանց՝ -ություն:

Գոյական

  1. սնապարծ լինելը, սնապարծի հատկությունը ◆ Սնապարծություններդ թող և քնիր: (Դերենիկ Դեմիրճյան) ◆ Ինքզինքն արգանդի ու ջղային հիվանդությանց մասնագետ հռչակելով անօգուտ ու ծաղրելի սնապարծություն մը ցույց տալ չէր իր նպատակը: (Գրիգոր Զոհրապ)
  2. սնապարծի արարք՝ վարքագիծ՝ վերաբերմունք

Հոմանիշներ

  1. պարծենկոտություն, գոռոզություն, սնափառություն, սնամոլություն, գոռոզամտություն, անձնակարծություն, անձնագովություն, ինքնակարծություն, ինքնագովություն, ինքնահավանություն, մեծամտություն, բարձրամտություն, անբարտավանություն, բարձրահոնություն, հոխորտանք, խրոխտանք, զրապարծություն, ֆանֆարոնություն, եսմեծություն, ինքնապանծություն, (հնց․)՝ կոկոզանք, կոկոզավզություն, կոկոզություն, սնոտեափառություն, ունայնափառություն, զրափառություն, նանրափառություն, նորափառություն, ունայնապարծություն, շփացություն, շփացածություն, անբարհավաճություն, մեծսրտություն (գվռ․)
  2. տե՛ս փառասիրություն
շարունակել․․․
Օգոստոսի 26
Writing star.svg

սլացիկ

Հայերեն

Վանկեր՝ ս(ը)•լա•ցիկ 

Ածական

  1. արընթաց վազող՝ արշավող՝ ընթացող ◆ Սլացիկ նժույգ:
  2. արագորեն նետվող՝ թռչող՝ անցնող ◆ Սլացիկ նետ՝ արկ:
  3. արագ, սրընթաց ◆ Սլացիկ թափ՝ վազք:
  4. դեպի վեր ձգված ու գեղեցիկ, բարեկազմ ու բարձր ◆ Սլացիկ հասակ՝ կազմվածք:
  5. խորաթափանց, թափանցող ◆ Սլացիկ հայացք:
  6. երկար ու գեղեցիկ ◆ Սլացիկ պարանոց:

Հոմանիշներ

  1. բարեկազմ, բարեհասակ, կառուցիկ, գեղեցիկ կառուցվածքով
  2. տե՛ս դափրել, սրարշավ
  3. տե՛ս բարձրավուն, բարձրակատար
շարունակել․․․
Օգոստոսի 13
Writing star.svg

պոչ

Հայերեն

Արտասանություն
Սկյուռի պոչ

Դասական ուղղագրութեամբ՝ պոչ

Վանկեր՝ պոչ 

Ստուգաբանություն

Թերևս բնիկ հնդեվրոպական՝ *bouokio-՝ *b(h)(e)u- «փչել, ուռչել» արմատից. հմմտ. լատիներեն bucca «թուշ», շվեդերեն puk «ուռուցք, պալար»:

Գոյական

  1. կենդանիների մարմնի ետևից երկարող հավելվածական մասը, որ ողնաշարի շարունակություն է, ագի, ձետ ◆ Սանձի փոխարեն նրան բռնել էին տվել ավանակի պոչը: (Րաֆֆի) ◆ Պառավը վրա է հասնում, ցաքատով տալիս է, աղվեսի պոչը կտրում: (Հովհաննես Թումանյան)
  2. սողունների մարմնի ետևի նեղացած ու երկար մասը ◆ Որ վիշապ օձը եկել է ահա, եկել փաթաթվել, իր բերդը պատել, գլուխը դրել ետ պոչի վրա: (Հովհաննես Թումանյան)
  3. թռչունների մարմնի ետևի մասի փետրափունջը ◆ Աքաղաղի պոչ: Ծիծեռնակի պոչ: ◆ Ջրածտերն ուրախ ճկում էին, խաղացնելով պոչը: (Ակսել Բակունց)
  4. (փխբ․) որևէ շարժվող բանի վերջնամասը (սովորաբար հիմնական մասից նեղ կամ բարակ) ◆ Գիսավորի պոչ:
  5. սավառնակի ետնամասը
  6. մրգերի և բանջարեղենի կոթունը ◆ Ներսես բեյն իր սեփական ձեռքով, վարունգի թփերի մեջ փնտրում էր երկու-երեք փոքր վարունգ, ծաղիկը դեռ պոչին փոքրիկ փշերով, ինչպես երեխայի աղվամազը: (Ակսել Բակունց)
  7. (փխբ․) շարժվող զանգվածի՝ շարքի և այլնի վերջնամասը ◆ Կարավանի՝ շարքի պոչը դեռ չէր երևում:
  8. զանազան գործիքների կոթ ◆ Բահի՝ կացնի՝ գդալի պոչ:
  9. (փխբ․) ծայր, երկարորեն ձգվող բանի (հոսանքի, ճանապարհի և այլն) վերջին կետը ◆ Պոչը հեռու Կապսի ծոցում, ալիքներն է (Շիրկանալը) հեռու նետում: (Հակոբ Հակոբյան)
  10. զգեստի տուտ, փեշ (գետնին քարշ եկող) ◆ Կանայք շրջագգեստների պոչերով գետինն էին մաքրում:
  11. (փխբ․) իրար ետևից շարք ստեղծած մարդկանց շղթա, հերթ ◆ Պոչ բռնել՝ կանգնել:
  12. իլիկի ներքևի բարակ մասը ◆ Իլիկի պոչ:
  13. տառերի բարակ մազանման մաս (սովորաբար ցածում կամ դեպի ցած հակված) ◆ Ա-ի պոչը լավ չի երևում: ◆ Ը-ի պոչը հաստ է:
շարունակել․․․
Օգոստոսի 27
Writing star.svg

պտույտ

Հայերեն

Դասական ուղղագրութեամբ՝ պտոյտ

Վանկեր՝ պ(ը)•տույտ 

Ստուգաբանություն

Թերևս փոխառություն իրանական աղբյուրից:

Գոյական

  1. շրջանաձև շարժում (մի բանի շուրջը), ոլորապտույտ շարժում ◆ Դու կբերես... Եվ գետերի ընթացք, և լեռների շղթա, և հողմերի պտույտ՝ բեղմնավոր ու զորեղ: (Եղիշե Չարենց) ◆ Այդ տեսարանը նման էր հողմի պտույտին: (Ակսել Բակունց)
  2. առանցքի շուրջ պտտվելը՝ դառնալը ◆ Եվ մեծ անիվի ծանր պտույտը և փոկերը հարյուրապատիկ արագ թափ էին հաղորդում վերջին պտուտակին: (Ակսել Բակունց)
  3. այդպիսի շարժումների յուրաքանչյուր ամբողջական շրջանը
  4. ոլորապտույտ ընթացք, գալարում, ոլորան (ճանապարհի, գետի և այլնի) ◆ Ճանապարհը այժմ ոլոր-մոլոր պտույտներով բարձրանում էր դեպի սարի զառիվերը: (Րաֆֆի) ◆ Առուն... օձանման պտույտներով բակերն էր մտնում: (Ակսել Բակունց)
  5. հոսող ջրի շրջանաձև հոսանք մի տեղում, ջրապտույտ ◆ Մի քանի պտույտների մեջ թե՛ ձին և թե՛ ձիավորը սկեցին ջրի տակ: (Րաֆֆի)
  6. զբոսանք, ման գալը, շրջելը ◆ Ինչե՞ր չէր անում դասընկերուհիների հետ, ինչ կատակներ, գժություններ, երբ մանավանդ խմբովին վերադառնում էին «պտույտից»: (Շիրվանզադե)
  7. շրջագայություն
  8. (փխբ․) որևէ բանի ընթացք, հորձանք ◆ Գիտցեք ապա դժբախտության պտույտն է ինձ պատել անել: (Շոթա Ռուսթավելի)
  9. տե՛ս հորձանք
  10. (բրբ․) քարկտիկ խաղի մի ձևը

Հոմանիշներ

  1. շրջապտույտ, շրջադարձ, պտույտք, շրջան, (հնց․) վերաշրջություն, հիռ, ջուռ, կլորման (գվռ․)
  2. տե՛ս ոլորան
  3. տե՛ս շրջապտույտ
  4. տե՛ս զբոսանք
  5. տե՛ս շրջագայություն
  6. տե՛ս հորձանք
շարունակել․․․
Օգոստոսի 12
Crystal txt.png Այս օրվա համար դեռ ընտրված բառ չկա։ Դուք կարող եք նոր բառ առաջարկել թեկնածուների էջում։
Օգոստոսի 28
Writing star.svg

տպագրական

Հայերեն

Դասական ուղղագրութեամբ՝ տպագրական

Վանկեր՝ տ(ը)•պա•գ(ը)•րա•կան 

Կազմություն

Արմատ՝ տիպ, հոդակապ՝ -ա-, արմատ՝ գիր, վերջածանց՝ -ական:

Ածական

  1. տպագրությանը վերաբերաղ՝ հատուկ, տպագրության
  2. տպագրության ծառայող, տպագրության համար նախատեսված՝ անրաժեշտ ◆ Նրանց պետք է տալ տպագրական միջոցներ: (Գարեգին Սևունց)
  3. տպագրության հարցերով զբաղվող, տպագրությունը կազմակերպող ◆ Նպատակ ունեմ դիմել այստեղի նոր կազմված տպագրական ընկերությանը և խնդրել, որ նա իր հրատարակություններից մի-մի օրինակ ուղարկե Թավրիզի ընթերցարանին: (Րաֆֆի)
  4. տպագրությամբ արտադրված, տպագրված, տպված ◆ Ալ. Մյասնիկյանի անվան հանրային գրադարանը տարեկան ստանում է 250 հազար տպագրական միավոր (գիրք, բրոշյուր, թերթ): (Մամուլ)

Հոմանիշներ

  1. տպագիր, պոլիգրաֆիական, պոլիգրաֆիկ

Արտահայտություններ

  1. տպագրական մամուլ
    1. թղթի որոշ չափսով թերթի մեկ երեսում տպագրվածը որպես գրքի ծավալի միավոր
    2. (հնց․) տպագրող մեքենա
    3. (փխբ․) (հնց․) տպարան ◆ Բացի դպրոցից, Հայրիկը զանց չէր արել հիմնել կրթության երկրորդ գործիչը՝ տպագրական մամուլ: (Րաֆֆի)
  2. տպագրական ձև՝ ֆորմա - նույնն է՝ տպաձև
  3. տպագրական սխալ - տպագրության ժամանակ առաջացած սխալ, վրիպակ ◆ Տպագրությունը և թուղթը գեղեցիկ է, բայց լիքն է տպագրական սխալներով, շատ տեղերում մի բառ ուրիշ բառի տեղ է գրված, շատ տեղերում բառերը պակասում են: (Րաֆֆի)
շարունակել․․․
Օգոստոսի 11
Crystal txt.png Այս օրվա համար դեռ ընտրված բառ չկա։ Դուք կարող եք նոր բառ առաջարկել թեկնածուների էջում։
Օգոստոսի 29
Writing star.svg

տվյալ

Հայերեն

Դասական ուղղագրութեամբ՝ տուեալ

Վանկեր՝ տ(ը)վ•յալ 

Ածական

  1. որի՝ ինչի մասին խոսվում է, այդ, այս (որի մասին խոսվում է) ◆ Ինքն իր ուսերի վրա ունի գլուխ և տվյալ գործում ուրիշների խորհուրդների կարիքը չի զգում: (Գարեգին Սևունց)
  2. այս պահի, ներկա պահի, փաստական ◆ Եթե մենք չենք կամենում լինել... օդային ամրոցներ կառուցողներ, բնականաբար պիտի ելնենք տվյալ իրականությունից: (Վահան Տերյան)

Գոյական

  1. տեղեկություն, փաստ, փաստական նյութ ◆ Ինձ հասած տվյալներով դուք վատ եք նախապատրաստում գարնանացանը: (Սերո Խանզադյան)
  2. (առավելապես հոգնակի) որևէ բանի բնութագրող՝ որևէ եզրակացության՝ որոշման համար հիմքի ծառայող տեղեկություն(ներ)՝ փաստեր
  3. որևէ բանի համար անհրաժեշտ հատկանիշ(ներ)՝ ունակություն(ներ)՝ հիմք(եր) ◆ (Նա) չէր կարողացել տեսնել... ապագա մեծագույն և բացարձակ հաղթանակի բոլոր տվյալները: (Վահան Թոթովենց)
  4. ընդունակություն, ներքին ունակություն, շնորհք
  5. (մաթ․) տե՛ս տրված (մեծություն)

Հոմանիշներ

  1. այս, այդ
  2. ներկա
  3. տե՛ս տրված
  4. (հոգն.) տեղեկություն(ներ), փաստ(եր), ցուցանիշ(ներ)
  5. հատկանիշ(ներ), ունակություն(ներ), հիմք(եր)
  6. տե՛ս նախագրյալ
շարունակել․․․
Օգոստոսի 10
Crystal txt.png Այս օրվա համար դեռ ընտրված բառ չկա։ Դուք կարող եք նոր բառ առաջարկել թեկնածուների էջում։
Օգոստոսի 30
Crystal txt.png Այս օրվա համար դեռ ընտրված բառ չկա։ Դուք կարող եք նոր բառ առաջարկել թեկնածուների էջում։