ազատ շունչ քաշել
Հայերեն դարձվածք
- մի բեռից (փխբ․) ազատվել՝ հոգեպես թեթևանալ ◆ Ազատ շունչ քաշեցին այն օրը միայն, երբ ռադիոն հաղորդեց Ստալինգրադում կարմիր բանակի տարած մեծ հաղթանակի մասին։ (Հրաչյա Քոչար) ◆ Թո՛ղ նորից երկիրն շունչ քաշե ազատ, / Թո՛ղ նորա կրծքին ջերմ կյանքը եռա։ (Ալեքսանդր Ծատուրյան) ◆ - Իմ պարտականությունն էր ժամ առաջ վերցնել այդ նեղացուցիչ հարցը և ազատ շունչ քաշել: Անդրանիկ Ծառուկյան ◆ Ասես ծանր մի բեռ ընկավ դատավորի ուսերից. նա թեթևացած շունչ քաշեց: Երեկոյան Երևան ◆ Հունանը, որ վատ մտքերով ու կասկածներով գլխով անցածը՝ նախագահը հանգստացած շունչ քաշեց: Ստեփան Զորյան ◆ - Երբ Մյունիխի մեջ Չեխոսլովաքիան զոհ տվին՝ Ֆրանսիացիները երկար շունչ մը քաշեցին: «Նաիրի»
- հանգստանալ ◆ Գրեթե ժամանակ չունեմ ազատ շունչ քաշելու: Երեկոյան Երևան ◆ Հինգերորդ օրվա լուսաբացին վերջակետ դրեց... ազատ շունչ քաշեց: (Հրաչյա Քոչար) ◆ Մե էն հանգի հանգստանալու տեղ էլ չկեր էն մունդրիկ տան առչիվը, վուր բիռս վեր էի թողի ու արցակ շունչ էի քաշի: Գաբրիել Սունդուկյան
- իրեն ազատ զգալ ◆ Վերջապես եկան զատկի տոները, և վարժապետը գնաց քաղաք «ազատ շունչ» քաշելու, կենտրոնանալու։ Դերենիկ Դեմիրճյան ◆ Հիմա Երևանը կրնա՜ ազատ շուննչ քաշել և ենթադրել ինքզինքը մայրաքաղաք։ Հայ Գնդունիի Օրագիրը ◆ Շունչ ես քաշում ազատորեն, ասես կուրծքդ երգ է գրում։ Պարույր Սևակ
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Հայերեն բառեր փոխաբերական իմաստով
- Քաղվածք/Հրաչյա Քոչար
- Քաղվածք/Ալեքսանդր Ծատուրյան
- Քաղվածք/Անդրանիկ Ծառուկյան
- Քաղվածք/Երեկոյան Երևան
- Քաղվածք/Ստեփան Զորյան
- Քաղվածք/«Նաիրի»
- Քաղվածք/Գաբրիել Սունդուկյան
- Քաղվածք/Դերենիկ Դեմիրճյան
- Քաղվածք/Հայ Գնդունիի Օրագիրը
- Քաղվածք/Պարույր Սևակ
- Բառեր «Հայերեն դարձվածքների ընդարձակ բացատրական բառարան» գրքից