ականջին հասնել
Հայերեն դարձվածք
- լսվել. լսելի լինել ◆ - Թող լսեն, թող ականջներին հասնի, միևնույնն է, վաղ թե ուշ կհասկանան։ ՎԱր. ◆ Եվ ականջիս հասավ արթցնող քաղաքին անորակելի բզզյունը։ Աշոտ Հովհաննիսյան ◆ Մահու ձայնը դառնալուր / հասնում է ականջիս: Հովհաննես Թումանյան ◆ - Մի՞թե մեր կրակոցները նրանց ականջը չեն հասնում: Ստեփան Զորյան ◆ Այն կողմեն մեր ականջը բան չեր հասներ, մենք կը քնանայինք տակավին։ Թլկ. ◆ Ամեն ձայնե ավելի ուժով՝ բառ մը միայն անոր ականջին կը զարներ անդիմադրելի, իր պատճառած հրապույրին համար։ (Գրիգոր Զոհրապ)
- իմացվել ◆ Այո, ականջին հասել էր, որ ամբողջ Ստամբուլում իրեն անուվանում են «սառած պտուղ»։ ՍտԱլ. ◆ - Քո Անահիտի համբավը մինչև թագավորի ականջն է հասել: (Ղազարոս Աղայան) ◆ Ու տերգևանցքի իմ խեղճ մորաքրոջ մաղի հետ կապված Բերդակի կռվի զարմանալի պատմությունը գնաց հասավ սուլթան Համիդի ականջը: Խաչիկ Դաշտենց ◆ Սև ագռավի մռայլ կառանչ՝/ սև լուրն հասավ Սասմա ականջ: (Ավետիք Իսահակյան) ◆ Իրողությունը Ակոբի ականջը հասած էր: Լևոն Բաշալյան ◆ Մի՛ ըսեր ատանկ խոսքեր, էֆենտին [էֆենդիին] ականջը կ'երթա: Հակոբ Պարոնյան
- (հզվդ․) հասկացվել ◆ Եթե այս տարի նրա մոտ մի բան ասես, եկող տարի միայն կհասնի ականջին: Սերո Խանզադյան
Աղբյուրներ[խմբագրել]
- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Քաղվածք/Աշոտ Հովհաննիսյան
- Քաղվածք/Հովհաննես Թումանյան
- Քաղվածք/Ստեփան Զորյան
- Քաղվածք/Գրիգոր Զոհրապ
- Քաղվածք/Ղազարոս Աղայան
- Քաղվածք/Խաչիկ Դաշտենց
- Քաղվածք/Ավետիք Իսահակյան
- Քաղվածք/Լևոն Բաշալյան
- Քաղվածք/Հակոբ Պարոնյան
- Հայերեն հազվադեպ գործածությամբ բառեր
- Քաղվածք/Սերո Խանզադյան
- Բառեր «Հայերեն դարձվածքների ընդարձակ բացատրական բառարան» գրքից