ականջի ետև գցել

Վիքիբառարան-ից
Jump to navigation Jump to search

Հայերեն դարձվածք

  1. (արևմտհ․) անտարբերության մատնել ◆ Դիսերտացիայի գործն էլ ականջի ետև մի՛ գցի, ափսոս է չարչարանքդ։ Գրիգոր Բալասանյան ◆ Հաջորդ չորեքշաբթի էլ հարկ չի լինի անդրադառնալ դրան՝ ականջի ետև գցելով շատ ավելի կարև որ հարցեր։ «Հայաստանի Հանրապետություն» ◆ -Տեր հայր, չմոռանա՛ս, հետևիս որ մեզ անպայման մեկ փոսի մեջ թաղեն, ականջի ետև չձգես։ «Գրական թերթ»
  2. կարևորություն չտալ ◆ Ավելի ու ավելի է կտրվել մարդկանցից, իսկ քննադատությունը ականջի ետև է գցել։ «ՍՀ» ◆ Այս, իհարկե, իմ անձնական կարծիքս է, որ իրավունք ունես, Մկրտիչ, երբ որ կամենաս, ազատ ու համարձակ ականջիտ ետև գցել։ (Ալեքսանդր Ծատուրյան) ◆ Կան մարդիկ, որոնք հավանություն են տալիս Փարսադանի ասածներին, կան մարդիկ էլ, որոնք ականջի քամակն են գցում։ Մաթևոս Դարբինյան ◆ -Որտեղ խելքներդ կփչի՝ մտե՛ք որտեղ՝ ոչ՝ ականջի քամակը քցեցե՛ք։ (Պերճ Պռոշյան) ◆ Ականջի ետև նետեց, չպատասխանեց գնաց։ (Հակոբ Մնձուրի)
  3. (արևմտհ․) անտեսել․ մի կողմ թողնել ◆ Ստեփանի սիրտը խոցվեց, և նա վճռեց ականջի ետև գղցել ծնողների մտահոգությունը։ Ֆրանց Վերֆել ◆ -Պապա՛, ջահել ժամանակդ քանի՞ փիղ մորթած կլինես…Ծիծաղեցի ու ականջիս ետևը գցեցի, կարծեցի կատակ է անում։ (Վախթանգ Անանյան) ◆ Ականջի ետև ձգելով քաղաքակեդրոն հեղափոխությունն ու ահաբեկչությունը, կը ծանրանան գյուղացիական հեղափոխության վրա։ «ժամ»
  4. մոռացության տալ․ անուշադրության մատնել ◆ Փորձեց պահակի խոսքը ականջի ետև գցել։ Մուշեղ Գալշոյան ◆ Ականջի ետև մի՛ ձգեր (անկարևոր մի՛ նկատեր, մի՛ մոռնար)։ Խարբերդ-ՎՀ ◆ -Տարեք, միջները կարոտյալներ կլինեն, մի բանով կօգնեմ։ Ականջիդ քամակը չգցես, նախագա՛հ, թե չէ հուր-հավիտյան հետդ չեմ խոսի։ Սերո Խանզադյան ◆ -Էտի ալ ընգճի ետքն ա քցալ, կիրքս («գիրքս») տվալ չի։ Մեղրի
  5. չանսալ, չլսել ◆ Մեծ ախպերը կուճ ուրեն ասում ա․- Տոռնը վըեր քցի, տա խոսկը ընջուկեն քամակն ա քըցյում։

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։