ականջները սրել

Հայերեն դարձվածք

1. համակ ուշադրությամբ լսել ◆  Ոչ ոք չէր խոսում, ամենքը սրել էին ականջները դեպի փողոցը։ Վրթանես Փափազյան ◆ Մասնակցում է զինվորական խորհուրդներին և, ականջները սրած, աշխատում էր ինչ-որ բան հասկանալ ու օգտակար լինել։ Պերճ Զեյթունցյան ◆ Իրիկունը ականջները սրած կը լսեմ Ֆայիզեի մեծ մոր, Սալիհե հանըմի շատախոսությունները։ Զապել Եսայան ◆ Անգճնիրդ լավ սրե, «Արձագանք», չի ըլի վուր էսղ՝ ադա չոռ ու ցավի համա․․․արարած աշխարի քունջ ու պուճախներումը մե մե փրկութենի ձեն էլ չիմանաս խանդիսխան [«մերթ ընդ մերթ»]։ Սունդ․ ◆ Ընջուկնին սրեց հինչ որ խուսացին, լոխ լսեց։ Քաչալ Պուղեսը ◆ – Ականջդ սո՛ւր պահիր և պատրա՛ստ կաց, որ հենց ճոթռելու ձայնը լսես, խոսքդ կա՛րճ կապիր։ Դերենիկ Դեմիրճյան ◆ Ու ես, / Նստած էստեղ՝ / Լարել եմ, սրել եմ ականջս։ Եղիշե Չարենց ◆ Պետք է ականջ լարել ու լսելու համար մեկ փողոցեն մյուսը իրարու ձայն տվող հեռավոր գիշերապահներուն սուլիչները․․․ Անդրանիկ Ծառուկյան ◆ Լսելիքը լարած դեպի հեռուները անհասանելի վայրերից էր սպասում լսել երգը։ (Ավետիք Իսահակյան) ◆ Շուտով նրան թվաց, որ ինչ- որ շշնջոց է լսվում։ Լսելիքը սրեց և նկատեց, որ խրճիթի մյուս պատի տակ բաց թողած սայլի մոտից էր։ Դերենիկ Դեմիրճյան ◆ Դուրսեն լսվող ամեն ծպտուն տղու սիրտը նետել կու տար ու լսելիքը կը լարեր։ Լևոն Շանթ ◆ համեմատության համար՝ Անոք պիտի սրեն իրենց ականջներուն քիչ մը գուլ ճամբաները, ավելի խոր առնելու համար հեշտությունը բառերուն։ Օշ․ ◆ Տեր-Ավետիսը նստեց և ձեռքի շարժումով հրավիրեց, որ նստեր նաև հյուրը։ Միհրանն ականջն ածելի արեց։ Սերո Խանզադյան ◆ Գերեզմանատան ճանապարհը հոտոտելով գալիս էր Հիմնարկ Ղև ոնդը՝ ականջը ածելի։ ն
2. ուշադրությունը դեպի կողմ ուղղել (մի բան լսելու իմանալու) ◆ Գերանների վրա նստած կալանավորների մեջ փսփսոց ընկավ։ Դանիլը սրեց ականջները։ (Մկրտիչ Արմեն) ◆ – Մակարն ալ բան տեսեր է տե՛ [ դե, «ու»], մենք ալ անկըճվնիս պիտի սրենք։ (Թլկատինցի)

Աղբյուրներ

1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։