աղ ու հաց ուտել

Վիքիբառարան-ից
Jump to navigation Jump to search

Հայերեն դարձվածք

  1. սերտ բարեկամություն անել ◆ -Ինչու՞, եղբա՛յր, քիչ՞ աղ ու հաց ենք կերել հորդ հետ, որ նրա փորձանքի օրերում անտարբեր մնամ ես։ Վրթանես Փափազյան ◆ Հետ այս ժամանակի մարդույն աղ ու հաց ուտել չի պիտի. Այնչափ կու ճոշան («բամբասել») զմարդն [«ըզմարդըն»], որ սուտն այլ («էլ») իրավ կու լինի: Բահապետ Քուչակ ◆ Երկու ընկեր, որ տասնհինգ տարի իրար հետ աղ ու հաց էին կերել, միմյանց սիրել ու պաշտպանել, այժմ կանգնած էին դեմ ու դեմ իբրև թշնամիներ։ (Շիրվանզադե) ◆ Կարծես իսկի ծանոթ չլինեինք, կարծես փթերով աղուհաց չէր կերել ամենիս տանն ու վեդրոներով արաղ լակել: Ջավ ◆ Գյուղացի ռանչպար մարդիկ են, հարևան, միասին մեծացած, միասին օխտը բեռը աղ ու հաց կերած Հովհաննես Թումանյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։