ամպեր կուտակվել

Վիքիբառարան-ից

Հայերեն դարձվածք

  1. (հզվդ․) (արևմտհ․) վտանգ, փորձանք, անախորժություն սպառնալ ◆ Արևմուտքում ամպեր էին կուտակվում։ Ֆաշիստական վերմախտը գլուխ էր բարձրացնում: ◆ Աշխատեցան փարատել այն ամպերը, որոնք (Ս․ Միության և արաբական երկիրներու մեջ) կուտակվիլ սկսած էին վերջերս: «Զարթոնք» ◆ Հետագայում այդ տղամարդկանց վրա էլ սև ամպեր կուտակվեցին, բայց հասցրին փախչել ով ուր կարողացավ: ◆ Դալարագեղ բնությունը ապրում էր գարնանամուտի իր հիասքանչ զարթոնքը, երբ սպանդի սև ամպերը կուտակվեցին կուսական բնության լազուր երկնակամարում: ◆ Սակայն (Կիպրոսի) կապուտակ երկնակամարում շարունակում են կուտակվել թուխպերը: «Ավանգարդ» ◆ Արդարև, մութ ամպեր սկսան կուտակվիլ Իսրայելի երկնակամարին վրա և բնական է, որ Զոր․ Տայան [Դայան] մտահոգվիլ սկսի: «Զարթոնք» ◆ Ինձ հետ տարեր եմ ամենուրեք այդ պարտեզները և անոնց մեջ ապաստաներ են ամեն անգամ, երբ մութ և սպառնական ամպեր կուտակվեր են իմ կյանքիս հորիզոնին վրա: Զապել Եսայան ◆ Երբեք մտքես չէր անցներ որ այդպես ավելի սև ամպեռր պիտի դիզվեին արևելյան հորիզոնին վրա, Նելսոնի ճակատագրի վրա: (Մաթևոս Մամուրյան) ◆ Տուր ձեռքդ, որ բախտ նայիմ, կը դիտեմ որ ճակատիդ վրա սև սև ամպեր կը պտըտին․ քու ապագայիդ փոթորիկ մը կը սպառնան: ◆ Իտալիայի քաղաքական հորիզոնում թուխպեր են կուտակվում նաև այն բանի հետևանքով, որ կուսակցությոնների միջև տարաձայնությունները սրվում են, շարունակվում է տնտեսական ճգնաժամը: (Սովետական Հայաստան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։