անկտրել ձմերուկ

Վիքիբառարան-ից

Հայերեն դարձվածք

  1. անորոշ, (առաջին հայացքից) դժվար իմանալի՝ անձ կամ բան ◆ -Նշնելու ախչիկը վուր կա, անկտրիլ ձմերուկ է․ ինչ բախտը կու տա, կու տա։ Գաբրիել Սունդուկյան ◆ «Աղջիկը որ կա, անկտրել ձմերուկ է», ասում է առածը, իսկ ես կասեմ՝ այր մարդու համար գեղեցիկ սեռը ո՛չ միայն անկտրել ձմերուկ է,- նա մի երևակայական աշխարհի բնակիչ է։ (Պերճ Պռոշյան) ◆ Շատ հետ ընկած գյուղերի մեջ կինն յուր մարդու համար քանի մի տարի նույն անկտրել ձմերուկն է։ (Պերճ Պռոշյան) ◆ -Ապագան չկտրած ձմերուկ է․․․ տեսնենք ի՞նչ կբերեն դեպքերը ․ պատերա՞զմ, թե խաղաղություն։ Դերենիկ Դեմիրճյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։