աչքերը բացվել

Վիքիբառարան-ից

Հայերեն դարձվածք

  1. հայացքը սևեռուն մի բանի վրա ընկնել ◆ Անոր աչքերը բացված էին կոճին վրա։ Հակոբ Օշական
  2. գիտակցության գալ, անդրադառնալ։◆ Եվ հիմա բացվեցին նրա աչքերը, նա հիմա զգաց, որ ծիրանազարդ գահակալներից բացի, մարդկացով վխտում է այս թշվառ աշխարհը։ (Վահրամ Փափազյան) ◆ Դրանք ունենան, ուսում առնեն, աչքները բացվի, կույր չմնան, աշխարհի չարն ու բարին ճանաչեն։ (Րաֆֆի) ◆ Նրանց աչքերը․․․ շուտ չբացվեցին։ Միայն սեփական դառը փորձը նրանց գլխի գցեց։ ◆ Ասկե զատ ամենուն աչքը կը բացվեր․ տուներու մեջ կիները, իսկ սրճարաններու մեջ բանվորները անդադար կը խոսեին և կը սկսեին ճար փնտրել իրենց հոգերուն ամար։ Զապել Եսայան ◆ Բացվեց նրա մտքի ու խղճի աչքը․․․ տեսավ որ կրկապատկել է իր չարագործոթյունը։ (Ղազարոս Աղայան) ◆ Հենց մի քիչ աչքաբացվում է (գյուղացի տղան), ասում է՝ «ես եմ որ կամ»։ (Անահիտ Սահինյան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։