աչքերը չռել

Վիքիբառարան-ից

Հայերեն դարձվածք

  1. ակնապիշ՝ ապշահար նայել ◆ - Ի՞նչպես, - աչքերը չռելով զարմացմամբ հարցնում է ծառային, - դու ասում ես, որ եղբայրս փող չու՞նի: (Պերճ Պռոշյան) ◆ Հյուրընկալս աչքերը չռեց ինձ վրա, տիրուհին ներողամտությամբ ժպտաց, իսկ հյուրերը ծիծաղեցին: (Մուրացան) ◆ Նա դադարեց սանրելուց և զարմանքից չռած աչքերով նայում էր յուր հարսի ժպտող դեմքին: ◆ «Ինչպես թե մահ չկա», և կանչեց Թյութունճի-օղլուն, աչքերը պշուցած շահումյանցի երեսին: (Միքայել Նալբանդյան) ◆ - Էնթավուր «[այնպիսի]» քենու ջանին մեռնիմ, ես Սմբատի տեղակ ըլիմ, գլուխս նրա ծնկնիցը վեր չեմ ունիլ, թող հենց նշանածս աչքերը լպստրակին արած՝ մտիկ տա: (Պերճ Պռոշյան) ◆ Նրա վրա չազդեցին նույնիսկ երկու մանկահասակ երեխաների՝ վախից չռված բիբերը:
  2. ուշադրությունը լարել, ուշիշով նայել ◆ - «Աչքերդ չռած նայիր՝ տես ով է գնում, ով է գալիս»: Հրանտ Մաթևոսյան ◆ Լուսնի բնակիչները կարծես աչքը չռած քեզ են սպասում, որ գաս քո սոցիալիզմով նրանց տունն էլ քանդես: Լեռ Կամսար
  3. լարված նայել սպասել ◆ Երկրի՝ աղքատության ու սովի մատնված ժողովուրդներս չռված աչքերով սպասում են «փտած կապիտալիզմի» երկրներից առաքվող օգնությանը: Հովհաննես Հովհաննիսյան
  4. զայրացած նայել ◆ Բայց հենց առաջին խոսքի վրա Արտեմն այնպես չռել էր նրա վրա իր ահարկու աչքերը, այնպես բղավել նրա վրա, որ խեղճ պառավն իսկույն ձայնը փորն էր գցել: ◆ Ինձ յասավուլ Մարգար կասեն, էսա վեր կկենամ, աչքերս կռչեմ, հարսանքավորին չոլեչոլ կքցեմ, ժամումն էլ որ ըլին՝ դուրս կանեմ: ◆ Սարիկը լսում էր աչքերը չռած, բերանը բաց և աշխատում էր պատկերացնել կրկեսը: (Անահիտ Սահինյան) ◆ Քիչ հետո հաճի [հաջի] Սահակ աղան եկավ, ախոռ մտավ ու դուրս գալով պոռաց աչքերը դուրս ձգած: ◆ - Ո՞ւր է, քուռակը ո՞ւր է: (Հակոբ Մնձուրի) ◆ Անիկա հանկարծ վեր կը ցատկեր խոլ ոստումով և արյունացայտ աչվըներն անոր վրա սևեռելով կը գոչեր: ◆ Անդամալույծի աչքերը պլշեցին: Նայեց աղջկան ոտից մինչև գլուխ զայրացած և հայհոյեց:
  5. սաստել ◆ - Կաղե՛ք, - աչքերը չռեց աղեն, և նորից աղմուկն ընկավ: Հովհաննես Թումանյան ◆ - Մայրի՛կ... Սուսամբարը մեզ կերակուր չի տալիս, մեզ վրա աչք է չռում: (Պերճ Պռոշյան)
  6. սարսափահար հայացքով նայել ◆ Մենք նայում էին բոլորին՝ աչքներս սարսափից չռած, / Այնտեղից ռազմի մի շեփոր կանչում էր խրոշտ ու առույգ: ◆ Դասարանը սարսափ կտրած, չռած աչքերով սպասում է դրության վախճանին:

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։