աչքը դուրս գալ

Վիքիբառարան-ից

Հայերեն դարձվածք

  1. (խսկց․) մեծ դժբատություն պատահել ◆ -Ես հույս ունեմ, որ շատ չի քաշիլ, ձեր ճամփի քար քցողի աչքը դուրս կգա, դուք ձեր բախտին կտիրանաք։ (Պերճ Պռոշյան) ◆ -Գեդինը պատռե ու ինձ դեվեր տանե։ -Աճկդ դո՛ւս էկա՜վ:
  2. պատժվել, իրենն ստանալ ◆ -Էրեխիս սրտովն էլավ, դուշմանի աչքը դուրս էկավ։ (Պերճ Պռոշյան) ◆ Ճամբից դուրս եկող աչքը դուս կը գա Արամ Ղանալանյան ◆ Գնացիլ է ու աճկը դուս է էկի, էն գիշերն էվետ դիփ մետի տանուլ է տվի լոտումը։ Գաբրիել Սունդուկյան
  3. (փխբ․) ճաքել, տրաքել ◆ Ինչ մեկն մեկն ունի, ուրեմն մյուսին էլ տուր, այն էլ՝ ավելի լավը, որպեսզի հարևանի աչքը դուրս գա:

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։