աչքն առնել

Վիքիբառարան-ից
Jump to navigation Jump to search

Հայերեն դարձվածք

  1. նկատել ◆ Հետո աչքն առավ դիմացի պատն ի կախ հին ու մին իրերի թնջուկը: Մուշեղ Գալշոյան ◆ - Աչքդ առնելուն պես պետք էր թվանքդ բացվի: Հովհաննես Թումանյան ◆ {Որ չնայեց ծառի վրեն, աշկն ախչկան առավ՝ քիչ մնաց գլխի խելքը էթար: (Ախպեր գառներ)
  2. նկատել-առանձնացնել (ուրիշների մեջ) ◆ - Ինչու էսքան բազմության միջից, աչքդ միայն ինձ առավ: (Պերճ Պռոշյան)
  3. տեսնել-հավանել-ընտրել ◆ Աղջիկ ես ուզում, հազարը կա: Ո՞ւմ աչքդ առնի, որ քեզ մատաղ չըլի: (Խաչատուր Աբովյան)
  4. տեսնել-հիանալ ◆ Խոտ ու ծաղիկ, թուփ ու տերև, հոտ ու համ նրա աչքն առներ, բերանն զմայլեր: (Խաչատուր Աբովյան) ◆ Հազար ՀԱզարներով թափեր էին թթենիներուն տակը...: Մինակ նայեիր վրան աչքերդ կ'առնեին: (Հակոբ Մնձուրի)
  5. տեսողությունը պատել (տարածության մեջ) ◆ Ահա անտառին մեջն ենք և աչքդ առածին չափ կը շարունակվի ան: (Գրիգոր Զոհրապ)
  6. տեսողությանը վնասել ◆ Խնձորներու կարմրությունը մարդուն աչքերը կ'առնե՞, իմ աչքերուս առնելը... իմ գլխուս դարձնելը ըսի: (Հակոբ Մնձուրի)
  7. նկատի ունենալ, դիմակայելու պատրաստ լինել ◆ Համարձակ քայլի դիմեց՝ ամեն վտանգ ու զոհողություն աչքն առնելուվ:

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։