(խսկց․) չափազանց չար՝ չարակամ աչքի զոհ դարձնել (լավ մեկին՝ մի բան) ◆ Աչքով կերան կուրանալու հարևանները խեղճ կնոջը,- լավ մարդ ունի, տներն իրանն է, գործը հաջողակ։ (Պերճ Պռոշյան)◆ Էս ինչ պատուհաս է․․․ Աչքերով կերան մեզ, աչքները տրաքի։ Ստեփան Զորյան◆ Ես վախում եմ տղեդ ինձից շատ բան գիտի․․․աչքով-ունկով մի ուտի: Գուրգեն Մահարի
սաստիկ չարությամբ նայել ◆ Մարգարանց Ասլանի առաջին կավե կճուճ պահեիր՝ հազար կտոր կլիներ։ Աչքերով ուզում էր ինձ ուտի: (Խաժակ Գյուլնազարյան)◆ Բոլոր այս մարդիկը, արգիլված պտուղին հրապույրովը․․․ աչքով կ'ուտեին դեռ անթարշամ հրապույրը սարայլըին [«սուլթանի ստրուկ֊հարճի»]։ Հակոբ Օշական
սևեռուն նայել ◆ Ուտում են աչքով ամենքն Ալ-Վարդին, / Բայց սերն անհայտ է դեռ նրա սրտին։ ՎՄիր ◆ Մտնում է կինը։ Հայացքով ուտում է կնոջը՝ բարի լո՞ւր։ «ՍՀ» ◆ Ուստիանը աչքով կ'ուտեր խոնարհած հարսին երկնանվեր արտահայտությունը։ Հակոբ Օշական◆ Իսկապես դուռը բացվեց, և հայտնվեց Բրիջիտը։ Վիկտորն անմիջապես հայացքով կերավ նրան։ Վահե Քաչա
