աչք ծակել

Վիքիբառարան-ից

Հայերեն դարձվածք

  1. պարզ նկատելի լինել ◆ Աչք են ծակում անտնտեսվարության փաստերը։ (Սովետական Հայաստան) ◆ Նշեք միայն մեր ժամանակներին վերաբերող մի քանի աչք ծակող կեղծիքների ու խաբեության մասին։ Եր ◆ Պետական բացահայտ պաշտպանությունը և կամ նեցուկը․․․ շարք մը առիթներով եղած է աչք ծակող և նույնիսկ աչք փորող։ «Զարթոնք»
  2. նայողին՝ տեսնողին տհաճություն պատճառել (իր աններդաշնակությամբ, անպատեհությամբ) ◆ Վարչական շենքի դիմաց հավաքված մարդիկ զայրույթով էին խոսում աչք ծակող կողմնապահության մասին։ Եր ◆ Որպեսզի այդ թշվառությունն աչք չծակե, ներսեն կ'երգե ռադիոհաղորդիչը։ Վահրամ Մավյան
  3. ցցուն կերպով զանազանվել (շրջապատում) ◆ Չէ, լավն էլ կա սրանց մեջ, վատն էլ։ Բայց վատը աչք է ծակում: (Վարդգես Պետրոսյան) ◆ Չենք ուզեր որ շատ ալ աչք ծակող ձևով հայ դատը հետապնդվի։ Եր. Հայ. ◆ Աչք ծակելու չափ աչքի էր ընկնում Բազենյանի վնասած ձեռքը։ Ն-Դ

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։