առաջը դռները բացվել

Հայերեն դարձվածք

1. սիրով (ներս) ընդունելու պատրաստ լինել ◆ 1950-ին երգչուհու առաջ բացվում են «Մետրոպոլիտեն» օպերայի դռները: «ՍՀ» ◆ Տասը տքեցա մինչև որ Քոմետի [Քոմեդի] Ֆրանսեզի դռները բացվեցան ինծի համար: «Զարթոնք»
2. ազատ ելումուտ սահմանվել ◆ Այնպիսի խոսքերով ու իղձերով անցնում էին ամիսներ, տարիներ և դեռ Հայաստանի դռները չէին բացվում: Դերենիկ Դեմիրճյան ◆ Եվ դղըրդալով բարեպաշտ մարդկանց / Առջև բացվեցան դռներն Աստծո տան։ Հովհաննես Թումանյան ◆ - Իսկ իմ տան դռները փակ եմ քո առաջ և հավիտյան չեն բացվիլ: ԱլՇ
3. հնարավորություն(ներ) ստեղծվել, ասպարեզ բացվել ◆ Գրական ճշմարիտ արժեքը այնպիսի բան է, որի առաջ բոլոր դռները բացվում են: (Հրանտ Մաթևոսյան)

Աղբյուրներ

1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։