սիրով (ներս) ընդունել ◆Մոսկվայի ամենալավ հյուրանոցներն իրենց դռները բացում էին մեր առաջ: Անտ Մահարի◆Այո՛, չենք հեռացնիլ։ Ավելի լայն կբանանք մեր դռները մեր մատաղ սերնդի առաջ, որ նրանք գան, լսեն մեր մատաղ ինտելի-գենցիայի խոսքը։ Հովհաննես Թումանյան◆Ինչո՞վ, ե՞րբ և ինչպե՞ս պիտի փոխարինենք այս ժողովուրդին, որ իր տան դռները լայն բացավ մեր առջև, արհամարհելով թրքական ամեն կարգի սպառնալիքները։ «Նաիրի»◆- Այսօր իմ առջև փակում եք այն դռները, որոնց երեկ բաց էին անում կրունկների վրա։ ԱլՇ◆- Ուրիշ նպատակ չունի, բայց եթե...իմիններս ծանոթացել, մտերմացել և ատանկով բանալ տալ անոնց դռները մեր համեստ ընտանիքին առջև: Մկրտիչ Կորյուն
(սիրով) տեղ տալ ◆Երիտասարդ բանաստեղծի առաջ իրենց հյուրընկալ դռները բացին պոլսական գրական հանդեսները։ Գուրգեն Մահարի◆Ինստիտուտը կարծես դարձել է մի բարեգործական ընտրություն, որ իր դռները շռնդանլից բացում է շատ ու շատ ապաշնորհների առջև: «Ավանգարդ»◆Երկիր մը որ պաշտոնապես կը ժխտե Աստուծո գոյությունը, Աստվածաշունչ Մատյանին առջև չէ որ պիտի բանար իր գիրկը և դռները: Անդրանիկ Ծառուկյան◆Իսկ ես բացե՜լ եմ դռներս լայն, / Պատմության առա՛ջ, դարի՛, մարդկա՛նց, / Ինչ աշխատում կա՝ սրտո՜ւմս է այն։ (Գևորգ Էմին)
(ազատ) հնարավորությունները ընձեռել ◆Դրդապատճառները չեն սպառվում արևմտյան վարկերի և ներդրումների համար դռները լայնորեն բացելու: «Հայաստանի Հանրապետություն»◆Խառն ամուսնությունները դռները լայն կը բանան ճերմակ ջարդին առջև: «Նաիրի»
