առաջը դռները փակ լինել

Վիքիբառարան-ից
Jump to navigation Jump to search

Հայերեն դարձվածք

  1. մի տեղ այսինչի մուտքը բոլորովին արգելված լինել ◆ - Այժմ կարող ես գնալ, ուր ուզում ես. իմ տան դռները քեզ համար փակ են: ԱլՇ ◆ Մարդու իրավունքները սահմանափակող պետության առաջ փակ կլինեն թե՛ ՆԱՏՕ-ի, թե՛ Եվրոպական խորհրդի դռները: «Հայք» ◆ Նրա բնակարանի դուռը փակ է ոչ միայն կողմնակիների, այլև բարեկամների համար: Երեկոյան Երևան ◆ Այնպես որ, սովորական թուրիսթներուն առջև փակ մնացող շատ դռներ բացվեցան իրենց առջև: Անդրանիկ Ծառուկյան ◆ Ներս են մտնում այն դռներից, / Որ միշտ փակ են եղել իմ դեմ / Ու միշտ բաց են նրանց առաջ, / Որոնց եղածն ու չեղածը ես լա՜վ գիտեմ: Պարույր Սևակ ◆ Վարուժանն առաջիններից էր, որ խոսեց 20-րդ դարի լեզվով... բանաստեղծացրեց այն, ինչի համար մինչ այդ փակ էին պոեզիայի դռները: Վահագն Դավթյան
  2. մի բանի հնարավորությունը բոլորովին բացառել ◆ Գիտեին, որ ընտրությունների երկրորդ փուլի «դռները» փակ են իրենց համար: «Հայաստանի Հանրապետություն»
  3. մեկին՝ մի բան ընդունելու, տեղ տալու պատրաստակամություն չլինել ◆ Ջիվան, մեր արևը ամպերի տակ է, / Այցելության դուռը մեզ համար փակ է: (Ջիվանի) ◆ Վճռեցին, որ այսուհետև մեր ամենքի դուռը նրա համար փակ լինի և կտրվի նրա հետ ամենայն հարաբերություն: (Պերճ Պռոշյան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։