առաջն իր դռները բաց անել

Վիքիբառարան-ից
Jump to navigation Jump to search

Հայերեն դարձվածք

  1. ընդունելու պատրաստակամություն հայտնել (առավ. ուսումն. հաստատության մասին) ◆ Անոնք փութաջան նախահոգությամբ բացին դռները Համազգային Ճեմարանին: «Զարթոնք» ◆ Ավելին, անոնք բացին դռները Արևելագիտության Հայ Ամպիոնին [Ամբիոնին]: «Զարթոնք» ◆ Ամերիկյան և Զվիցերական որբանոցներն ալ լայն բացեր էին իրենց դռները: Աշոտ Հովհաննիսյան ◆ Ջենովայի և Հաագայի խորհրդակցությունները...բացին եվրոպական «բարձր քաղաքականության» դռները խորհրդային դիվանագիտության առաջ: Ալեքսանդր Բեկզադյան ◆ Երիտասարդ բանաստեղծի առաջ իրենց հյուրընկալ դռները բացին պոլսական գրական հանդեսները: Գուրգեն Մահարի
  2. գործունեությունն սկսել ◆ «տեսատր դը պլեզանսն» առաջին անգամ դռները բացեց Վահե Քաչայի «Ֆարսի» պիեսով: «Սովետական գրականություն»
  3. աչքերի առաջ պարզել ◆ Անոնք իմ հետաքրքիր [«հետաքրքրվող»] մտքիս առաջ կը բանային դերսի անծանոթ աշխարհի դռները: Զապել Եսայան ◆ Համե՜ստ մի տուն - բայց գիտեինք, որ հայրաբար / Լայն աշխարհն է իր դռները մեր դեմ բանում: Պարույր Սևակ ◆ Մեսրոպը...գտավ այդ լույսի բանալին ու լայն բացեց իր ժողովրդի առջև կրթության ու քաղաքակրթության դարբասները: «Գրական թերթ»

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։