խախուտ հիմքերի վրա դրված լինել ◆ Ինչ իմանային մարդիկ, որ այս «փառքի տաճարը» խարխուլ է, այն կառուցված է ավազի վրա, անազնիվ ճանապարհով։ (Սովետական Հայաստան)◆ Եթե ընդուներ այդ անվիճելի տեսակետը, ապա ջուրն էր ընկնելու ավազի վրա կառուցված նրա տեսությունը։ «Եր․» ◆ Այդ շենքերն օտար հողերու վրա, հետևաբար ավազի վրա կառուցված են, հիմք չունին, և երբ փոթորիկը գա՝ ոչ ևս են։ Ճեյմս Գառնուզեան◆ Ցավում եմ, որ քո կուրքը ոչ թե քարից էր շինված, այլ ավազից, որ պատվանդանից ընկավ ու դեռ գետնին չհասած, փշուր- փշուր եղավ։ Պերճ Զեյթունցյան◆ Բայց բանը միայն նման կարգի աղավաղումները, ուրիշներին ավազի վրա հիմնված «մեղադրանքներ» հասցնելը չէ։ «ՍՀ» ◆ Ձուլման դեմ մեր կանգնած [«կանգնեցրած»] պատնեշները ավազի վրա հիմնված են, զուրկ մեզի կենսունակություն տվող հողեն։ Ճեյմս Գառնուզեան◆ Յիս էն Սայաթ-Նովասին չիմ, վուր ավազի վըրա հիմնանում։ (Ստեփանոս Նազարյանց)
