արմատ արձակել

Վիքիբառարան-ից

Հայերեն դարձվածք

  1. (արմատ գցել, նետել, թողուլ, (արևմտհ․) ձգել)/ արմատ բռնել (կապել, առնել) արմատավորվել-տարածել ◆ Իր կարծիքով կարող է միայն ապահով աճել մեր ցանկության ծաղիկը՝ ուրիշ մը արյունին, արգանդին, տրամին [դրամին, «դրամային»] մեջ արմատ արձակած: Հակոբ Օշական ◆ Սակայն բոլոր ջանքերը ի զուր անցան արմատեն ջնջելու դարերու ընթացքին խոր արմատների ձգած կրոնական ու անվանդական այս տոնակատարությունները: ◆ Սակայն պերոնիզմը, որպես քաղաքական հոսանք, ամուր արմատներ գցեց Արգենտինայում և շատ մեծ ազդեցություն ունի: «Ազգ» ◆ Ու՞ր արմատն ձգեինք և ուրկե՞ հյութ առնեինք: Հրաչ Զարդարյան ◆ Ոչ մեկ հավատք ու հույս արմատ կը նետեն իր մեջ: Նիկողոս Սարաֆյան ◆ Հասարակական գիտակցության մեջ արմատներ նետած մոլորությունները...զգալի դիմադրություն էին ցույց տալիս գեղարվեստական ճշմարիտ ու կենսունակ հայացքներին: Սուրեն Աղաբաբյան ◆ Այսպես քաղաքական ապաստանը խոր արմատներ թողուց Եգիպտոսի մեջ: «Զարթոնք» ◆ Պարտավորության, կտակի սրբության, ծնողասիրության զգացմունքը շատ խոր արմատ բռնած են իր սրտին մեջ: (Մաթևոս Մամուրյան) ◆ Սերը... ավելի հին էր և խոր արմատներ ուներ բռնած նրա սրտի մեջ: ◆ Զարմանալի է արդարև թե կրթության կարևորության մտածումն ինչ խոր արմատ է կապած հայ ընկերության ամենահետին խավերուն մեջ իսկ: Լևոն Բաշալյան ◆ Երևույթը...արմատ կ’առնե մարդկային բնության հատուկ հոգեբանական, չըսելու համար ախտաբանական վիճակներե: Անդրանիկ Ծառուկյան
  2. ((արևմտհ․) (հզվդ․) արմատ երկարել) բնավորվել, տնավորվել ◆ Այս խստաշունչ, դժվարին կողմերում մարդիկ բնակություն են հաստատել, արմատներ արձակել: (Սովետական Հայաստան) ◆ Արմատներ գցեց...: Տուն շինեց և ամուսնացավ: Սերո Խանզադյան ◆ Բայց Մ-ին վիճակված չէր արմատներ ձգել նոր տանը: (Սովետական Հայաստան) ◆ Պատմության դաժան հողմերով աշխարհի տարբեր ծայրերը նետված հազարավոր հայ մարդիկ...վերադարձան Հայաստան՝ խոր ու անխախտելի արմատներ ձգելու համար: «Զարթոնք» ◆ -Գոնե Ամերիկա մեր գերդաստանը նոր արմատ կը բռնե նետե: Շահան Շահնուր ◆ (Անմատույց գյուղերը) թուրքը չէ իսկ մտածած արմատ երկարել, ինք մակաղած հովիտին ու լճափին իսկապես դրախտաբեր ու ոսկեբեր հարթությանց ծոցը: Հակոբ Օշական

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։