արյուն թափել մի բանի համար

Վիքիբառարան-ից
Jump to navigation Jump to search

Հայերեն դարձվածք

  1. իրեն զոհել, զոհողության գնալ ◆ Հայրենիքի համար․․․ ամեն բանի համար արյուն ենք թափել, հայրենիքի համար կյանքներս էլ կտանք։ Դերենիկ Դեմիրճյան ◆ Անոնք մեր թագավորության համար արյուն կը թափեին փոփոխակի։ Պետրոս Դուրյան ◆ Հայրենիքի որքա՜ն հավատարիմ զավակներ արյուն թափեցին, իրենց կյանքը տվեցին հանուն այդ հաղթանակի։ «ՍՀ» ◆ Ես, անձս վտանգելով, պաշտպանեի զինքը, նույնիսկ արյունես թափեցի իրեն համար։ Աշոտ Հովհաննիսյան ◆ Զորք էր հավքում, որ գնան, արին վեր ածեն իրենց ազգի համար (Խաչատուր Աբովյան) ◆ Ուրիշները կռվել են, դո՛ւ ես գրավել, ուրիշները արյուն են թափել, դո՛ւ ես նվաճել։ (Վարդգես Պետրոսյան) ◆ «Ի՞նչ է, Մահվիռոտներո՞ւմ եք արյուններ թափել հետը»։ Դերենիկ Դեմիրճյան ◆ Մեր ուժն ա՜յն է․ արյան վերջին կաթի՛լն անգամ թափել։ Պետրոս Դուրյան ◆ (Ցույց տվավ իր անբացատրելի մոլուցքը) ա՛յն մարտիկներուն աչքին առջև, որքան արյուն թափված էին այդ դրոշակին տակ։ «Նաիրի» ◆ Իսկ մեզի ոչ իսկ սենթ մը, հակառակ դաշնակիցներուն և իրենց դատին համար մեր թափված արյունին։ «Ազդակ»
  2. զոհ գնալ, զոհ տալ ◆ Այնպես առաջարկություններ ընեք, որ առանց արյան կաթիլ մը թափելու կարենանք խաղաղություն կնքել։ Թ ◆ Նրանց բազմաբոխ թրերի վրա / Որբերը պիտի արյուն ոթեին։ Ռափայել Պատկանյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։