բաբելոնի աշտարակ

Վիքիբառարան-ից
Jump to navigation Jump to search


Հայերեն դարձվածք

  1. (հզվդ․) խառնակություն, խառնաշփոթություն, խառնաշփոթ, խառնափնթորություն, խժդժություն, խառնարան, ժխոր, խառնիճաղանջ, անկարգ վիճակ (կյանքում, գործերում և այլն) ◆ Այստեղից ողջ տիպերս խառնվում էին իրար և վեպս դառնում իսակական «բաբելոնի աշտարակ»: (Լեռ Կամսար) ◆ Հեշտ չէ թերևս ազատությունից օգտվելը, այն էլ:{…{ընդգծել բաբելոնյան աշտարակաշինության շրջանը հիշեցնող խառնակ մեր օրերում:|ԳԹ}} ◆ Աթոռների վրա, լուսամուտների գոգին… մի խոսքով ամենուրեք գրքեր են, գրքե՜ր, գրքե՜ր՝ թափված անփույթ, անկանոն… Մի կատարյալ բաբելոնյան խառնակություն: Վահագն Դավթյան ◆ Կատարյալ բաբելոնյան խառնակություն մըն է որ կը թափթփեմ դուրս, մեկե ավելի մաքսային կեդրոններու մեջ չարչարված, քրքրված, իրարու խառնված ծրարներ: Անդրանիկ Ծառուկյան ◆ Մի հայի օգտավետ երևացած բանը մյուսին երևում է մահաթույն: Այսպիսի բաբելական խառնակության մեջ կարե՞ղ է կայանալ և ամրանալ ազգություն: Ռափայել Պատկանյան ◆ Առտուն արթնցա ուշ, ու գոմ գնալուս՝ բաբելոնական խառնակություն գտա հոն: Աշոտ Հովհաննիսյան ◆ Եվ առհասարակ ձեռք առնի միջոցներ՝ ազատելու համար այն բաբելոնական խառնաշփոթությունից, որ միմյանց լեզու չհասկանալու հետևանքով կարող է առաջանալ գիտության ներկայացուցիչների միջև: Եր ◆ Անմարդկայինը այս հոդվա՞ծն է, թե՞ նա, ով բաբելոնյան խառնաշփոթ է սարքել: Հովհաննես Հովհաննիսյան ◆ Դե ե՛կ ու գլուխ հանիր այս տեսակ բաբելոնյան խառնափնթությունից: (Սովետական Հայաստան) ◆ Եվ վշտախառն ծաղրով ինչպե՜ս մերկացրեց արևմտյան պետական ու դիվանագիտական աշխարհի գայլային օրենքներն ու բաբելոնյան խժդխությունները: (Լեռ Կամսար) ◆ Եվ քաղաի ուղիղ կենտրոնում այսօր կունենայինք կտոպերատիվների, արհեստանոցների, «զուգարանների» բաբելոնյան քառահարկ մի խառնարան:: Հովհաննես Հովհաննիսյան ◆ Ժխորում էլ Բաբելոնի-/ Խոսի լեզվով իր մայրենի, հայոց լեզվով: Հովհաննես Շիրազ ◆ Այս րոպեիս նրա բազմաթիվ սենյակները լցված են մի բաբելոնական բազմությամբ, որ եկել է տեսնելու Բոնիվարի սյունը և Բայրոնի սենյակկը: Դերենիկ Դեմիրճյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։