չմիջամտել, ջանք չթափել (թողնել, որ ինչ լինելու է՝ լինի) ◆ Ոչ մի բան չձեռնարկեց, ամեն ինչ թողնելով բախտի քմահաճույքին: Պերճ Զեյթունցյան◆ Մի անգամ ձուկ որսալիս նա խմվել ու քնել է թողնելով մակույկը բախտի քմահաճույքին: Գուրգեն Մահարի◆ Նրանք թողել էին Լալային իր բախտին, կրկնելով այն ճակատագրական խոսքը, թե ինչ որ Աստված կամեցել է, այն կլինի։ (Րաֆֆի)◆ Գործերին հետևողն ո՞վ էր. դրանք իրենց բախտին էին թողել: ◆ Օրվան իշխանավորները և դժբախտ դեպքերուն իսկական պատասխանատուները, լքելով իրենց բախտին ամեն ինչ... լեղապատառ փախուստ տված... էին։ «Զարթոնք»◆ Պարթևները կրոնը կամ կրոնները ձգեր էին իրենց բաղդին, և կրոնական հալածանքը օտարոտի թված էր իրենց։ ՀրԱրմ. ◆ Մակույկս եմ հանձնել բախտի հովերուն. - / Եվ ննջել կուզեմ, ա՜խ, շա՜տ եմ հոգնած։ (Ավետիք Իսահակյան)
մեկի մասին հոգ չտանել, մեկի նկատմամբ հոգածություն հանդես չբերել ◆ Նա խնամում է խոր ծերության հասած իր ծնողներին և.. նրանց չի կարող լքել, թողնել բախտի քմահաճույքին: «Եր.» ◆ Թե չէ՝ լինել ի ծնե գերի / Մերի Մուսայի ու երգերի, / Որդիք ու կին/ Թողած բախտին: Հովհաննես Թումանյան◆ Ինչո՞ւ են նրանք երեխա ունենում, եթե պիտի փախչեն նրանից, թողնեն նրան բախտի հույսին: «ՍՀ» ◆ Ազգային իշխանություններ ու կազմակերպություններ չէին հետաքրքրված ազգին նորահաս զավակներով և զանոնք կը լքեին իրենց բախտին ու ճակատագրին: «Զարթոնք»◆ համեմատության համար՝ Հաշտարարը մի սառը զզվանքով ձին մտրակել, հեռացել է սրտախաշ տեսարանից, թողած ծերունուն նույն օրն յուր հաշիվը վերջացնել անցավոր աշխարհքիս հետ՝ ճակատագրի կամայականությունը հանձնելով վեց խմորակերներին։ (Պերճ Պռոշյան)
