բախտի քմահաճույքին թողնվել

Վիքիբառարան-ից
Jump to navigation Jump to search

Հայերեն դարձվածք

  1. առանց որևէ միջամտության թողնվել հանգամանքների ընթացքին ◆ Բոլորը մի կողմ էին քաշվել, և կենսական խնդիրները թողնվել էին բախտի քմահաճույքին: ◆ Այո՛, սրանից հետո գոյությունս լիովին բախտի քմայքին է հանձնվում: Այսօր մի կտոր հաց կա, իսկ գիշե՞րը, վա՞ղը: (Դերենիկ Դեմիրճյան) ◆ - Տեսա, որ եթե բախտի կամքին հանձնվիմ, շատ պիտի չարչարվիմ, ուստի որոշեցի այս հանդուգն քայլն անել: (Մուրացան) ◆ Խնդիրը այն է թե ինչու համար երիտասարդի մը գլխուն այս խաղը խաղցվի և այսօր զինքը ձգվի իր բախտին: (Դանիել Վարուժան)
  2. հոգ չտարվել. հոգածությունից զրկվել ◆ - Հիմա ուրիշ է, մտավորականությունն այլևս իր բախտին չի թողնված, պետականություն կա, թիկունք, տեր և հովանավոր: (Ավետիք Իսահակյան) ◆ Ցանկապատին տակովը լելակներու, ճերմակ շուշանի քանի մը գլուխներ, վախկոտ ու նիհար վարդենիներ կը մտմտան իրենց բախտին ձգված: Օշ. ◆ Ոմանք իրենց երիտասարդական լավագույն տարիները բանտախուցերու մեջ փճացնելով, այսօր լքված են իրենց բախտին ու ճակատագրին: «Հայաստանի Հանրապետություն» ◆ Եվ այսպես, բախտի քմահաճույքին հանձնված թափառում է Ջավադը, ու անորոշ է, թե ինչ է դառնալու վաղը, մյուս օրը: «Ավանգարդ» ◆ Բախտի քմահաճույքին հանձնված վիրավոր կենդանին իզուր էր ապաստան փնտրում հովտի ծալքերի մեջ: Ֆրանց Վերֆել ◆ Նա «ազատ» էր ամեն հսկող քննադատությունից մինչև ավարտելը՝ այժմ նա զգում էր, որ ինքը նետված է իր բախտին: (Դերենիկ Դեմիրճյան) ◆ Երկու ընկերով ներս մտանք այգին / Եվ տեսանք մեր դեմ - խաղողի մի ծով, / Անձնատուր եղած բախտի քմայքին՝ / Սնվել է անմատ արևի բոցով: Եղիշե Չարենց

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։