բանը բուրդ է

Վիքիբառարան-ից
Jump to navigation Jump to search

Հայերեն դարձվածք

  1. ((հզվդ․) գործը բուրդ է, (բրբ․) բանը բոշ է) գործը, վիճակը վատ են ◆ Սատանայապետը պարզ տեսնում էր, որ գահն երերում էր, որ իր բանն էլ բուրդ էր։ Վրթանես Փափազյան ◆ Վատ սնվող անասունները կարգին միս քիչ են տալիս։ ․․․Կաթի բանն էլ բուրդ էր։ Ֆրանց Վերֆել ◆ Ահա թե երբ, ավելի շուտ նաև ե՞րբ ես զգացի, որ ինձ հետ կատակ չեն անում և իմ բանը բուրդ է, ի՜նչ բուրդ, բամբակի տակա՛նք ասա։ Գուրգեն Մահարի ◆ ֊Բանս բուրդ է, տղա՛ս, բանս բուրդ է․ հայերեն անունս հրելեն ձգելեն հազիվ գրել սովորեցա ատենին, հիմա ալ անխերենը պետք է գրես կ'ըսեն։ Բենիամին Նուրիկյան ◆ ֊Իմ վաղվան բանս բուրդ կ'երևա, վարժապետ, ես դպրոց չեմ սիրեր։ Թլկ․ ◆ Քուրդ Գրիգոր վարդապետը ասավ՝ «ա՛յ տղա, բանդ բուրդ ա րևում»։Մ ◆ ֊Պիտի քննեն, խոսեն, վիճեն, ժամանակ պիտի կորի, բաներս բուրդ դառնա։ (Ավետիք Իսահակյան) ◆ ֊Չամիչ որ չուզեց, ըսել է թե գործը բուրդ է։ (Վահան Թոթովենց) ◆ «Ես անջախ էն քարը տեղից ժաժ էի տալի․ նա ո՞նց էնքան հեռու քցեց․ բաս բանս բոշ ա»
  2. ինչ֊որ այն չէ ◆ ֊Մեկ անգամ բարձր ձենով երգեցի, Նազիկս վախեցավ, կարծեց թե բանս բուրդ է, ես խելքս ետ եմ տվել։ (Մ․ Սարգսյան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։