բաց ճակատով

Վիքիբառարան-ից
Jump to navigation Jump to search

Հայերեն դարձվածք

  1. (բաց ճակատով, (հզվդ․) ճակատը պայծառ) հպարտ, արժանապատիվ, արժանապատվությամբ ◆ Նա այժմ դուրս էր գնում փողոց բաց ճակատով, անցնում էր մարդկանց առաջով հպարտորեն: Ն-Դ ◆ Մինչդեռ, մարդ միշտ պետք է բաց ճակատով քալե, ուրկե ալ քալե, Մոսկվա ըլլա թե Երևան: Անդրանիկ Ծառուկյան
  2. ազատ-համարձակ ◆ Ես բաց ճակատով ձեր դեմն եմ կանգնած, ես վախեցող չեմ, զարկեցե՛ք ճակտիս: (Ավետիք Իսահակյան) ◆ Ո՜հ, այն ատեն բաց ճակատով պիտի դառնար Պոլիս ամուսնության խնդրելու իր սիրած աղջիկը: (Գրիգոր Զոհրապ)
  3. բացեիբաց ◆ Փոխանակ բաց ճակատով բանավիճելու Թումանյանի հետ, նա հանդես է գալիս... մի քանի կեղծանուններով: Գուրգեն Մահարի ◆ - Ես պատրաստ եմ թագավոր դառնալու: Եվ կարող եմ բաց ճակատով ասել: Ամեն տեղ ասել: Պերճ Զեյթունցյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։