բերանը բաց

Վիքիբառարան-ից
Jump to navigation Jump to search

Հայերեն դարձվածք

  1. ապշահար ◆ Թագավորը՝ քարացած և բերանը բաց՝ մնաց կշեռքի թաթին նայելիս։ Ն-Դ ◆ Ու կը կենար ակնապիշ, բերանը բաց, երբ դանդաղ թռչունները թև բանային ու ջուր նետվեին։ Հակոբ Օշական ◆ Մյուսները ևս բերանները բացած արձանացրել էին զարմանքից։ Վիկտոր Բալայան ◆ Անոր այս հանդգնությունը տեսնելով բերանը բացած ապուշ ապուշ կը նայեր։ Հակոբ Պարոնյան ◆ Բերանբաց է ապշությունը որ կարգիլե ամեն հարցապնդում։ Շահան Շահնուր
  2. հետաքրքրությամբ ◆ Իրոք, հետաքրքրվեց։Երեխայի պես, բերանը բաց, նայում էր կարմրած թոնրին։ (Վարդգես Պետրոսյան) ◆ Ու քոքուրները [«անբաժան-ծույլերը»] ․․․ բերաննին բաց՝ մտիկ կընեին զատկվաննու ծնունդի հեքիաթները։ Հակոբ Օշական ◆ Նա դիմեց ծառաներից մեկին, որոնք բերանները բաց արած ուշադրությամբ լսում էին լրաբերի խոսքերը։ (Շիրվանզադե) ◆ Բերանն բաց կը հետևին տված անուններուս, անբացատրելի երանությամբ մը։ ◆ Ասոր համար է որ շատերին իրենց բերանը բացած՝ գործներուն վերջը դիտելու կը պատրաստվին։ Հակոբ Պարոնյան
  3. թտեսի պես ◆ Տղա եք տեսնում՝ բերաններդ բա՜ց նայում եք։ Հրմ
  4. տեղի ունեցածին կամ տեղի ունեցողին անմասն մնալով ◆ - Ի՞նչ ես ծիծաղում ավանակի պես Բերանը բաց արած։ (Շիրվանզադե) ◆ Անդին մնացածը ամեն օր բերանը բաց կը սպասե որ հիվանդ մը ներկայանա իրեն և ստակ առնե։ Հակոբ Պարոնյան
  5. անտարբերություն՝ թողտվություն հանդես բերելով ◆ - Մի կերպ գլխից ռադ եք անում աշխատանքը։Իսկ ձեր բրիգադիրներն ու տասնապետը, բերանները բաց արած ընդունում են այն։ (Մկրտիչ Արմեն)
  6. անպատշաճ արտահայտությամբ՝ կեցվածքով ◆ - Ինչ ես ծիծաղում ավանակի պես Բերանը բաց արած։ (Շիրվանզադե) ◆ Եվ ոչ ոք չէր ասելու․ դո՞ւք եք տնկել՝ որ բերաններդ բաց էդպես գլորում ու ուրախանում եք։ Հրանտ Մաթևոսյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։